Aktualitet

27-vjeçari u paraqit vetë në spital i plagosur, zbardhet dinamika e ngjarjes, arrestohen 3 persona në Tiranë, Policia: Ndodhi gjatë një konflikti të çastit

Policia njofton se për këtë ras janë arrestuar një 47-vjeçar dhe një 42-vjeçar për veprat penale “Vrasje me dashje” e kryer në bashkëpunim, e mbetur në tentative dhe “Mbajtja pa leje dhe prodhimi i armëve shpërthyese dhe i municionit” dhe një 51-vjeçar, për veprën penale “Moskallëzim i krimit”. 

9 Gusht 2025, 14:25 Nga M.B
27-vjeçari u paraqit vetë në spital i plagosur, zbardhet
Foto ilustruese

TIRANA- Është zbardhur dinamika e plagosjes së 27-vjeçarit mbrëmjen e shkuar në Tiranë për të cilin i raportua se ishte paraqitur vetë në spital. Policia njofton se për këtë ras janë arrestuar një 47-vjeçar dhe një 42-vjeçar për veprat penale “Vrasje me dashje” e kryer në bashkëpunim, e mbetur në tentative dhe “Mbajtja pa leje dhe prodhimi i armëve shpërthyese dhe i municionit” dhe një 51-vjeçar, për veprën penale “Moskallëzim i krimit”. 

Gjithashtu bëhet me dije se është shpallur në kërkim një 35-vjeçar. Sipas policisë, 47-vjeçari, 42-vjeçari dhe 35-vjeçari gjatë një konflikti të çastit, për motive të dobëta, kanë plagosur me armë zjarri në këmbë 27-vjeçarin i cili ndodhet në spital, në kujdesin e mjekëve, jashtë rrezikut për jetën. Ndërsa 51-vjeçari thuhet se nuk ka kallëzuar për ngjarjen.

Gjithashtu, gjatë konfliktit ka mbetur i demtuar lehtë me sende të forta,  42-vjeçari me inicialet G. Sh., i cili ishte në shoqërinë e të dëmtuarit. 

Njoftimi:

Tiranë

Zbardhet dinamika e ngjarjes së ndodhur ditën e djeshme, në vendin e quajtur “Zona e Treshit”, ku mbeti i plagosur me armë zjarri një 27-vjeçar. Identifikohen 4 shtetas. Vihen në pranga 3 prej tyre, shpallet në kërkim një tjetër. Vijon puna për gjetjen e armës së zjarrit me të cilën u plagos 27-vjeçari. Sekuestrohen 1 automjet, që dyshohet se është përdorur nga autorët për tu larguar nga vendi i ngjarjes si dhe sende të tjera të kundraligjshme të vlefshme për hetimin.

Mbrëmjen e djeshme, pas marrjes së njoftimit se në spital ishte paraqitur për të marrë mjekim, shtetasi R. Ç., 27 vjeç, pasi ishte plagosur me armë zjarri, në këmbë, Specialistët e Sektorit për Krimet e Rënda të DVP Tiranë, shkuan menjëherë në vendin e ngjarjes,, ku në drejtimin e Prokurorisë, kryen të gjitha veprimet hetimore për zbardhjen e rrethanave të rastit dhe identifikimin e autorëve.           

Në vijim të veprimeve për këtë rast:
-u arrestuan shtetasit B. N., 47 vjeç dhe A. Ll., 42 vjeç, për veprat penale “Vrasje me dashje” e kryer në bashkëpunim, e mbetur në tentative dhe “Mbajtja pa leje dhe prodhimi i armëve shpërthyese dhe i municionit”;
-u arrestua shtetasi I. K., 51 vjeç, për veprën penale “Moskallëzim i krimit”;
-shpallën në kërkim shtetasin S. N., 35 vjeç.

Nga veprimet e para hetimore rezultoi se shtetasit B. N., 47 vjeç, A. Ll., 42 vjeç dhe S. N., 35 vjeç , gjatë një konflikti të çastit, për motive të dobëta, kanë plagosur me armë zjarri në këmbë shtetasin R. Ç, i cili ndodhet në spital, në kujdesin e mjekëve, jashtë rrezikut për jetën. Ndërsa shtetasi I. K., 51 vjeç, nuk ka kallëzuar për ngjarjen.

Gjithashtu, gjatë konfliktit ka mbetur i demtuar lehtë me sende të forta, shtetasi G. Sh., 42 vjeç, i cili ishte në shoqërinë e të dëmtuarit. Vijon puna nën drejtimin e Prokurorisë, për dokumentimin e plotë ligjore të ngjarjes si dhe lokalizimin dhe kapjen e 35-vjeçarit të shpallur në kërkim. Materialet procedurale iu referuan Prokurorisë së Tiranës, për veprime të mëtejshme.

tirana

Sondazh

Poll

MË SHUMË