Aktualitet

Policia rrethon ambientet e News24/ Këshilli Shqiptar i Medias: Bllokimi i punës së gazetarëve, i papranueshëm dhe cënim i lirisë

Në reagim thuhet se ky sulm, që ka bllokuar gazetarët të hyjnë në vendet e punës, efektivisht ka ndaluar informimin e publikut, duke cënuar edhe më shumë hapësirën e lirisë së medias dhe duke tkurrur edhe më larminë mediatike në vend, që prej kohësh po shkon drejt një-ngjyrësisë.

9 Gusht 2025, 10:36 Nga M.B
Policia rrethon ambientet e News24/ Këshilli Shqiptar i Medias: Bllokimi i
Foto nga vendi i ngjarjes

TIRANA- Këshilli Shqiptar i Medias ka reguar lidhur me ngjarjen ku Policia ka bllokuar zyrat e mediave News24, Panorama dhe Gazeta Shqiptare. Në reagim thuhet se ky sulm, që ka bllokuar gazetarët të hyjnë në vendet e punës, efektivisht ka ndaluar informimin e publikut, duke cënuar edhe më shumë hapësirën e lirisë së medias dhe duke tkurrur edhe më larminë mediatike në vend, që prej kohësh po shkon drejt një-ngjyrësisë.

Sipas KSHM, institucionet e shtetit shqiptar duhet të kuptojnë që një media nuk është thjesht një godinë e nuk duhet trajtuar vetëm si godinë. KSHM thekson se media është e përbërë nga mjetet dhe godinat, po aq sa nga gazetarët dhe publiku që i ndjek. Gjithashtu në deklaratë thuhet se sulmi në ambientet e News 24 dhe mediave të tjera, është dhe sulm ndaj hapësirës së një grupi gazetarësh për të informuar.

REAGIMI:

Bllokimi i punës së gazetarëve të NEWS 24, i papranueshëm dhe cënim i lirisë së medias

KSHM reagon me shumë shqetësim për rrethimin policor ndaj mediave News 24, Panorama, Balkanweb dhe Gazeta Shqiptare. Ky sulm, që ka bllokuar gazetarët të hyjnë në vendet e punës, efektivisht ka ndaluar informimin e publikut, duke cënuar edhe më shumë hapësirën e lirisë së medias dhe duke tkurrur edhe më larminë mediatike në vend, që prej kohësh po shkon drejt një-ngjyrësisë.

Institucionet e shtetit shqiptar duhet të kuptojnë që një media nuk është thjesht një godinë e nuk duhet trajtuar vetëm si godinë. Media është e përbërë nga mjetet dhe godinat, po aq sa nga gazetarët dhe publiku që i ndjek. Sulmi në ambientet e News 24 dhe mediave të tjera, është dhe sulm ndaj hapësirës së një grupi gazetarësh për të informuar; ky sulm funksionon efektivisht si zhurmuesat e kohës së Enverit që bllokonin sinjalin e televizioneve armike. 

Cilado qoftë dinamika ligjore e pronësisë së godinës, ajo nuk justifikon eleminimin efektiv të disa prej mediave më të vjetra e më të ndjekura në vend. 

KSHM, kërkon lejimin URGJENT të gazetarëve që të rikthehen në punë dhe i kërkon Qeverisë shqiptare të ofrojë një zgjidhje alternative të konfliktit për të mos ndërprerë informimin e publlikut dhe punën e gazetarëve të këtyre mediave.

news 24

Sondazh

Poll

MË SHUMË