Politike

Akuzohet për shpërdorim detyre dhe prerje pyjesh, GJKKO liron nga masa "arrest në shtëpi" kryebashkiakun e Tropojës, Rexh Byberi

Si masë alternative, ndaj tyre është caktuar detyrimi për t’u paraqitur një herë në muaj në organet kompetente.

1 Gusht 2025, 10:02 Nga N.F
Akuzohet për shpërdorim detyre dhe prerje pyjesh, GJKKO liron nga masa
Foto

TIRANË- Gjykata e Posaçme kundër Korrupsionit dhe Krimit të Organizuar, GJKKO ka marrë vendimin ditën e sotme për të liruar nga masa “arrest në shtëpi” kryetarin e Bashkisë Tropojë, Rexh Byberin. Gjithashtu është liruar nga arresti shtëpiak edhe nënkryetari i Bashkisë Tropojë, Abedin Kërrnaja. Ata të dy akuzohen për shpërdorim detyre dhe prerje e paligjshme e pyjeve. Si masë alternative, ndaj tyre është caktuar detyrimi për t’u paraqitur një herë në muaj në organet kompetente.

Sipas hetimeve të SPAK, në kundërshtim me ligjin, Byberi bashkë me nënkryetarin e kësaj Bashkie, kanë miratuar, “një projekt idenë e rrugës “Stacioni i Anijes Palç- Guri i Lules”, nga ku rezulton se është miratuar në parim Projekt ideja për ndërtimin e rrugës auto “Stacioni i Anijes Palç- Guri i Lules”, me një gjatësi 3.2km, totalisht ndërtim i ri i cili 80% të kësaj gjatësie kalon nëpër rrugën këmbësore ekzistuese.

Sipas vendimit, këto punime janë bërë në kundërshtim me aktet ligjore dhe nënligjore. Konkretisht për kryerjen e punimeve në bazë të VKM-së 408 datë 13.05.2015 (e ndryshuar) për hapjen e një rrugë të re subjekti i interesuar duhej të aplikonte në sistemin elektronik e-leje, pranë Bashkisë Tropojë, si institucion vendor që ka tagrin të shqyrtojë dhe miratojë lejen e ndërtimit të infrastrukturës, pasi të ketë verifikuar plotësimin e dokumentacionit të nevojshëm tekniko-ligjor nga aplikuesi që parashikon legjislacioni për këto lloj punimesh.

Gjithashtu, sipas njoftimi, Bashkia Tropojë duhej të bashkëvepronte me institucionet e tjera kompetente për ndërtimin e rrugës siç janë: Agjencia Kombëtare e Mjedisit, për nevojën e hartimit të Raportit të Vlerësimit të ndikimit në mjedis, të bashkëvepronte me Ministrinë e Linjës (parashikuar në sistemin elektronik e-leje) për impaktin e ndërtimit të rrugës së re dhe pasojat e këtyre punimeve të ndërtimit.

 

rexh byberi

Sondazh

Poll

MË SHUMË