Aktualitet

EMRI/ I dënuar për drogë në Itali, arrestohet 39-vjeçari në Durrës

Ndërkohë, vijojnë procedurat për ekstradimin e 39-vjeçarit në Itali.

9 Korrik 2025, 12:28 Nga M.B
EMRI/ I dënuar për drogë në Itali, arrestohet
Foto ilustruese

DURRËS- 39-vjeçari Behar Gerguri është arrestuar në Durrës pasi ishte shpallur në kërkim ndërkombëtar. Mësohet se Gjykata e Apelit e Milanos, në vitin 2023 e ka dënuar 39-vjeçarin me 5 vjet e 2 muaj burgim, për veprën penale “Trafikim i lëndëve narkotike”. Ndërkohë, vijojnë procedurat për ekstradimin e 39-vjeçarit në Itali.

Njoftimi:

Në vijim të operacioneve të njëpasnjëshme për lokalizimin dhe kapjen e shtetasve të shpallur në kërkim ndërkombëtar, bazuar dhe në informacionet e siguruara në rrugë operative, shërbimet e Forcës së Posaçme Operacionale dhe të Seksionit për Hetimin e Narkotikëve, në bashkëpunim me shërbimet e Sektorit të Qarkullimit Rrugor, të Drejtorisë Vendore të Policisë Durrës, në kuadër të operacionit policor të koduar “The Wanted”, lokalizuan, kapën dhe arrestuan me qëllim ekstradimin në Itali, shtetasin:

Behar Gerguri, 39 vjeç, banues në Durrës. Ky shtetas ishte shpallur në kërkim ndërkombëtar, pasi Gjykata e Apelit e Milanos, Itali, në vitin 2023, e ka dënuar me 5 vjet e 2 muaj burgim, për veprën penale “Trafikim i lëndëve narkotike”, parashikuar nga Kodi Penal italian. Vijojnë procedurat për ekstradimin e 39-vjeçarit, në Itali.

durres

Sondazh

Poll