Aktualitet

“Jam dënuar në mungesë e pa avokat”/ Rishfaqet organizatori i Masakrës së Urës Vajgurore ku u vranë 4 policë, kërko

28 Janar 2020, 11:14 Nga DOSJA
“Jam dënuar në mungesë e pa avokat”/ Rishfaqet

Tiranë- Organizatori i maskarës së Urës Vajgurore, Musa Protoduari, i cili ka 22 vite në arrati i ka dërguar gjykatës së Tiranë një kërkesë për rishikimin e vendimit. Protoduari i cili është i dënuar me burgim të përjetshëm, është paraqitur pranë autoriteteve kanadeze, ku ka pajisur me një prokurë të posaçme një avokat nëpërmjet së cilës i kërkon drejtësisë shqiptare, rishikimin e vendimit. Këtë kërkesë ai e ka bërë me argumentin se është dënuar në mungesë dhe pa praninë e një avokati mbrojtës.

Maskra në Urën Vajgurore, 17 qershor 1997

Më 17 qershor të vitit 1997 në Urën Vajgurore u vranë 5 persona dhe u plagosën 6 të tjerë. Në atë ditë në këtë qytezë ishte Fatos Nano, asokohe kryetar i PS , i shoqëruar nga Skënder Gjinushi, ndërsa në komunën Poshnje përfaqësonin PD-në në miting i ndjeri Azem Hajdari dhe Genc Pollo. Pas mbarimit të dy mitingjeve, eskorta e PD-së është larguar dhe pas saj ka ardhur ajo Fatos Nanos dhe Skënder Gjinushit dhe anëtarë e simpatizantë të tjerë të kësaj partie. Atë kohë, qytetin e kontrollonin bandat, që pas hapjes së depove të ushtrisë. Krerët e PS-së pas mitingut në Berat ishin larguar nga qyteti për të vijuar rrugën drejt Fierit. Eskorta që shoqëroi drejtuesit e PS-së, mbërriti në Urën Vajgurore, kur një i ri qëlloi drejt rojeve të vilës së Protoduarëve, që thuhej se ishin mbështetës të Partisë Demokratike. Të vendosur mbi tarracën e vilës, rojet e Protoduarëve vranë një 17-vjeçar. Pjesa e eskortës, që mundi të kalojë vilën shkoi në Berat dhe mori përforcime të mëdha armësh municioni dhe njerëzish.

Kurse pjesa tjetër që mbeti pas, u mblodh në sheshin përpara karburantit të Urës. Disa persona rrëmbyen një autoblindë policie, duke kërcënuar uniformat blu dhe nën urdhrat e civilëve blindi i policisë u nis për tek vila e Protoduarëve. Rojet e vilës u detyruan të qëllojnë mbi tankun me predhë antitanku, pa e ditur se brenda tij kishte ende policë.

Dy prej policëve, Milto Koçi dhe Arjan Shemani u dogjën brenda tankut, dy të tjerët Asllan Selami dhe Ilia Bano u vranë sapo dolën nga flakët e blindit. Nga ana tjetër, rojet e vilës, të ndodhur midis dy zjarreve, mundën të tërhiqen, por jo të gjithë. Njëri prej tyre u kap rob nga kundërshtarët dhe u ekzekutua. Trupi i tij u lidh pas një autoveture, me të cilën e zvarritën deri në Berat, ku e dogjën. Të vrarë mbetën Miltiadh Koçi, punonjës i policisë, Arjan Shemuni, punonjës policie, Asllan Selami, punonjës policie, Ilia Bano, punonjës policie, roja i vilës së Protoduarëve, i paidentifikuar.

J.V/Dosja.al

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet masakra e urës vajgurore musa protoduari masakra e urës vajgurore musa protoduari

Sondazh

Poll

Aktualitet 28 Janar 2020, 11:03

TIRANË– Detaje të reja janë zbuluar nga Jak (Jani) Prenga, pengu i marrë 11 ditë në parë në qytetin e Kamzës. Dosja.al mëson se 49-vjeçari është bab...

MË SHUMË