Politike

Osmani pret të Ngarkuarën me Punë të Ambasadës së SHBA në Kosovë/ Në fokus të diskutimeve ngërçi politik dhe bashkëpunimin Kosovë- SHBA

Takimi vjen një ditë pas pritjes zyrtare të organizuar nga ambasada amerikane në Prishtinë me rastin e Ditës së Pavarësisë së SHBA-ve.

2 Korrik 2025, 21:07 Nga E. D
Osmani pret të Ngarkuarën me Punë të Ambasadës së
Anu Prattipati dhe Vjosa Osmani

KOSOVË- Presidentja e Kosovës, Vjosa Osmani, ka pritur sot në takim të Ngarkuarën me Punë të Ambasadës së Shteteve të Bashkuara të Amerikës në Kosovë, Anu Prattipati. Takimi vjen një ditë pas pritjes zyrtare të organizuar nga ambasada amerikane në Prishtinë me rastin e Ditës së Pavarësisë së SHBA-ve.

Presidentja Osmani e ka uruar edhe një herë Prattipatin për këtë festë, në emër të qytetarëve të Republikës së Kosovës, duke ritheksuar mirënjohjen e thellë për mbështetjen e palëkundur të SHBA-ve ndër vite. Gjatë bisedës, Osmani dhe Prattipati folën edhe për çështje të tjera me interes të përbashkët në kuadër të bashkëpunimit bilateral, duke rikonfirmuar përkushtimin për avancimin e mëtejshëm të partneritetit strategjik ndërmjet Kosovës dhe Shteteve të Bashkuara të Amerikës.

"Presidentja Osmani priti në takim të Ngarkuarën me Punë të Ambasadës së SHBA-ve në Kosovë, Anu Prattipati
Presidentja e Republikës së Kosovës, Vjosa Osmani, priti sot në takim të Ngarkuarën me Punë të Ambasadës së Shteteve të Bashkuara të Amerikës në Kosovë, znj. Anu Prattipati. Pas festës për nder të Ditës së Pavarësisë së SHBA-ve që u mbajt mbrëmë në ambasadën amerikane, Presidentja Osmani e uroi edhe një herë znj.

Prattipati në emër të qytetarëve të Republikës së Kosovës, duke ritheksuar mirënjohjen e thellë për mbështetjen e palëkundur amerikane përgjatë viteve. Në takim u diskutuan zhvillimet e fundit në vend, me fokus të veçantë në ciklin e ri të konsultimeve me partitë politike lidhur me konstituimin e Kuvendit, në dritë të Aktgjykimit të Gjykatës Kushtetuese në rastin Nr.KO124/25. Presidentja Osmani dhe znj. Prattipati diskutuan për çështje të ndryshme në kuadër të bashkëpunimit bilateral, duke rikonfirmuar përkushtimin për avancimin tutje të partneritetit strategjik ndërmjet Kosovës dhe SHBA-ve," thuhet në njoftimim e Presidencës. 

vjosa osmani anu prattipati

Sondazh

Poll

MË SHUMË