Politike

"Keni qasje skandaloze!" Rama drejtuar qeverisjes vendore: Në vend t'i lutemi ne blegtorëve për kontratën e kullotës, ju i lodhni me burokraci

Ai shtoi se qeverisja duhet t'u lutet blegtorëve dhe jo e kundërta.

2 Korrik 2025, 19:39 Nga M.B
"Keni qasje skandaloze!" Rama drejtuar qeverisjes vendore: Në
Edi Rama

ELBASAN- Kryeministri Edi Rama ka mbajtur fjalën në mbylljen e ditës së parë të dialogut për Bujqësinë dhe Zhvillimin Rural. Rama kritikoi qeverisjen vendore duke thënë se kanë një qasje skandaloze ndaj blegtorëve në raport me burokracinë që u vendosin për nevojat që kanë. Ai shtoi se qeverisja duhet t'u lutet blegtorëve dhe jo e kundërta.

"Ndërkohë që ishte e tmerrshme që të dëgjosh eksperiencat e blegtorëve për qeratë e kullotave, qasja e strukturave të qeverisjes vendore për qeratë e kullotave ishte skandaloze. Përveç përpjekjeve që duhet të bëjnë blegtorët në kushtet e një sektori që ka shumë probleme, duhet të përballojnë edhe burokracinë në nivelin vendor dhe duhet ta ndryshojmë menjëherë. Ne duhet t’i lutemi blegtorëve, jo të na luten për kontratën e kullotës. Çështja për një paketë blegtorale të diskutohet dhe t’i ftojmë në Cajup kur ta kemi gati", tha Rama.

edi rama

Sondazh

Poll

MË SHUMË