Politike

S'ka asnjë ndryshim, dështon edhe seanca e 33-të për konstituimin e Kuvendit të Kosovës, seanca e radhës pas 48 orësh

Kryesuesi i seancës, Avni Dehari, u bëri thirrje subjekteve politike që të propozojnë përfaqësuesit për këtë komision, por propozimi dështoi sërish.

17 Qershor 2025, 10:34 Nga N.F
S'ka asnjë ndryshim, dështon edhe seanca e 33-të për
Foto

KOSOVË- Ka dështuar edhe përpjekja e 33-të për konstituimin e Kuvendit të Kosovës. Edhe në seancën e sotme dështoi miratimi i propozimit për formimin e Komisionit Zgjedhor, i cili do të mundësonte votimin e fshehtë për zgjedhjen e kryetares së Kuvendit.

Kryesuesi i seancës, Avni Dehari, u bëri thirrje subjekteve politike që të propozojnë përfaqësuesit për këtë komision, por propozimi dështoi sërish. Ky komision do t’i hapte rrugë votimit për kandidaten e propozuar nga Lëvizja Vetëvendosje, Albulena Haxhiu, për postin e kryeparlamentares.

Seanca u ndërprerë për të vazhduar pas 48 orësh më 19 qershor. Seancat janë duke u mbajtur çdo 48 orë, por asnjëherë nuk është arritur kuorumi apo konsensusi i nevojshëm për të votuar udhëheqësen e legjislativit, çka po e mban të bllokuar procesin e konstituimit të Kuvendit dhe formimit të institucioneve të reja.

Lëvizja Vetëvendosje këmbëngul në kandidaten e saj, Albulena Haxhiu, për postin e kryeparlamentares, e cila nuk po gjen mbështetje nga partitë tjera. Këto parti i ka bërë thirrje Vetëvendosjes që të ndërrojë kandidaten dhe në vend të Haxhiut të kandidohet “një figurë konsensuale”.

kuvendi i kosoves

Sondazh

Poll

MË SHUMË