Aktualitet

Vrasja e Gentiana Hudhrës në Itali/ E divorcuar prej tre vitesh me autorin, 55-vjeçari dyshohet se ka probleme të shëndetit mendor, viktima la pas dy vajza

Burime nga autoritetet italiane bëjnë të ditur se autori dyshohet të ketë pasur probleme të shëndëtit mendor. Gjithashtu bëhet me dije se ndaj tij nuk ka pasur asnjë denoncim për dhunë apo precedent penal.

14 Qershor 2025, 22:54 Nga N.F
Vrasja e Gentiana Hudhrës në Itali/ E divorcuar prej tre vitesh me
Pamje nga vendi i ngjarjes

ITALI- Detaje të reja janë zbardhur në lidhje me vrasjen e 45-vjeçares shqiptare në Itali. Mësohet se viktima Gentiana Hudhra ishte rrugës për në punë kur u sulmua me thikë nga ish-bashkëshorti i saj, Nikollaq Hudhra.

Burime nga autoritetet italiane bëjnë të ditur se autori dyshohet të ketë pasur probleme të shëndëtit mendor. Gjithashtu bëhet me dije se ndaj tij nuk ka pasur asnjë denoncim për dhunë apo precedent penal.

Raportohet se 45-vjeçarja ishte nënë e dy vajzave të moshës 21 dhe 23 vjeç. Ajo punonte si kujdestare dhe po shkonte në punë, kur u sulmua papritur në parkun e Viale Benadduci, pak pas orës 20:00. Mësohet se çifti ishte ndarë prej tre vitesh. Ende nuk dihen shkaqet që çuan në këtë ngjarje të rëndë ndërsa policia ka arrestuar autorin e ngjarjes i cili nuk u arratis por u ul në një stol pranë trupit të viktimës.

 

vrasja e gentiana hudhrës në itali

Sondazh

Poll

MË SHUMË