Aktualitet

I shpallur në kërkim prej dy vitesh për plagosje me thikë/ Kapet dhe ekstradohet nga Greqia 26-vjeçari shqiptar

Në vitin 2023, Gjykata e Rrethit Gjyqësor Berat i ka caktuar masën e sigurisë “Arrest në burg”, për veprën penale “Plagosja e rëndë me dashje”.

11 Qershor 2025, 13:51 Nga E. D
I shpallur në kërkim prej dy vitesh për plagosje me thikë/
pamje nga vendngjarja

GREQI- Një 26-vjeçar është kapur dhe ekstraduar nga Greqia në Shqipëri pasi dy vjet më parë plagosi me thikë një person në Kuçovë. I riu shqiptarë ishte shpallur në kërkim ndërkombëtar për ngjarjen. Në vitin 2023, Gjykata e Rrethit Gjyqësor Berat i ka caktuar masën e sigurisë “Arrest në burg”, për veprën penale “Plagosja e rëndë me dashje”. Ai akuzohet se në vitin 2023, në lagjen “Llukan Prifti”, Kuçovë goditi disa herë me thikë një qytetar, gjatë një konflikti të çastit me të.

 

Njoftimi:

Policia e Shtetit/Vijon operacioni policor ndërkombëtar, i koduar “The Wanted”. Plagosi rëndë, me mjet prerës, një shtetas, gjatë një konflikti të çastit me të, në Kuçovë, kapet në Greqi dhe ekstradohet në Shqipëri, 26-vjeçari.

Si rezultat i koordinimit të informacionit dhe veprimeve operacionale me homologët grekë, nëpërmjet Interpol Tiranës, gjatë kësaj faze të operacionit “The Wanted”, u lokalizua dhe u kap nga Policia greke, si dhe u ekstradua në Shqipëri, shtetasi shqiptar, i shpallur në kërkim ndërkombëtar, B. A., 26 vjeç, i lindur në Kuçovë.

Në vitin 2023, Gjykata e Rrethit Gjyqësor Berat i ka caktuar masën e sigurisë “Arrest në burg”, për veprën penale “Plagosja e rëndë me dashje”.

Ai akuzohet se në vitin 2023, në lagjen “Llukan Prifti”, Kuçovë, ka plagosur rëndë, disa herë, me mjet prerës (thikë), shtetasin E. B., gjatë një konflikti të çastit me të.

Sondazh

Poll

MË SHUMË