Ai denoncoi përqendrimin ekstrem të pushtetit në duart e kryeministrit Edi Rama, duke theksuar se të gjithë liderët kryesorë të opozitës janë arrestuar, ndjekur penalisht apo përballen me akuza politike, në një klimë represive dhe të paprecedent për një vend kandidat për anëtarësim në Bashkimin Europian.
TIRANË- Krye i Partisë Demokratike, Sali Berisha së bashku me delegacionin e PD-së kanë zhvilluar një takim me anëtarin e Parlamentit Europian nga Grupi ECR dhe pjesë e Komisionit të Punëve të Jashtme (AFET), Rihards Kols.
Gjatë takimit, Berisha paraqiti një panoramë mbi situatën dramatike të demokracisë në Shqipëri, me theks të veçantë tek zhvillimet para, përgjatë dhe pas zgjedhjeve parlamentare të 11 majit. Ai denoncoi përqendrimin ekstrem të pushtetit në duart e kryeministrit Edi Rama, duke theksuar se të gjithë liderët kryesorë të opozitës janë arrestuar, ndjekur penalisht apo përballen me akuza politike, në një klimë represive dhe të paprecedent për një vend kandidat për anëtarësim në Bashkimin Europian.
Berisha theksoi se zgjedhjet e 11 majit nuk ishin vetëm një shkelje e thellë e parimeve demokratike dhe Kodit Zgjedhor, por një farsë e plotë elektorale, e zhvilluar nën kushte terrori politik, keqpërdorimi të institucioneve dhe ndërhyrjeje kriminale. Ai solli në vëmendje një sërë faktesh të dokumentuara që dëshmojnë një model sistematik manipulimi zgjedhor.
Ndër faktet që paraqiti janë:Blerje masive votash përmes përdorimit të fondeve publike dhe kontratave të paligjshme; aktivizimin e rrjetit të patronazhistëve të Partisë Socialiste dhe keqpërdorimin e të dhënave personale për presion elektoral; infiltrimin e grupeve të krimit të organizuar në procesin zgjedhor në mbi 10 qarqe dhe mbi 20 bashki, në mbështetje të rreth 30 kandidatëve të PS-së.
Berisha denoncoi përpjekjet e Ramës për të ndikuar në ndryshimin e raportit paraprak të misioneve ndërkombëtare veshguese nëpërmjet kërcenimit dhe presionet ndaj vezhguesve. Eurodeputeti Rihards Kols shfaqi interes përndjekjen e problematikës të cilat kapërcejnë kufijtë e Shqipërisë, si nëpërmjet pyetjeve për Komisioneret e KE ashtu edhe ngritjes së një misioni faktmbledhës (fact-finding mission) në Shqipëri për të vlerësuar drejtpërdrejt situatën në vendin tonë.
Në takim u theksua se rruga e Shqipërisë drejt Bashkimit Europian nuk mund të ecë përpara pa rikthimin e standardeve demokratike, garantimin e zgjedhjeve të lira dhe të ndershme, dhe ndarjen e pushteteve si themel i një sistemi funksional demokratik.
Parlamenti Evropian STRASBURG- Komiteti i Punëve të Jashtme ka miratuar ditën e sotme raportin për Shqipërinë. Në mbledh...
foto ilustruese TIRANË- “Kur kisha nënën tek Trauma, veç lekë kërkonin dhe të drejtonin: shko merr këtë...
Rama TIRANË- Kryeministri Edi Rama ka marrë pjesë ditën e sotme në takimin e zhvilluar në lidhje me fazën e dytë t&...
Foto ilustruese KOSOVË- Kuvendi i Kosovës do të tentojë ditën e sotme për herë të 26-të të kalojë ng...
Jurgis Çyrbja DURRËS- Ish-deputeti socialist, Jurgis Çyrbja ndodhet në qeli prej tetori të kaluar pasi akuzohet p&eu...
Ilir Meta TIRANA- Presidenti i Partisë së Lirisë, Ilir Meta ka reaguar lidhur me dyshimet e Partisë Demokratike se mungo...
Albana Vokshi TIRANA- Deputetja e Partisë Demokratike, Albana Vokshi ka dhënë detaje të reja nga takimet e kryetarit të PD-s&...
Aulon Kalaja TIRANË- Kandidati për deputet i Partisë Demokratike në qarkun e Durrësit, në zgjedhjet e 11 majit, Aulon Kalaja...
Igli Hasani dhe George Gerapetriti ATHINË- Ministri për Evropën dhe Punët e Jashtme, Igli Hasani zhvilloi një vizitë zyrtare ...
Besa Shahini KOSOVA- Ish-ministrja e Arsimit në Shqipëri Besa Shahini ka shpallur kandidaturën për kryetare të Prishtinë...