Politike

Vizita zyrtare në Athinë/ Ministri i Jashtëm grek zbulon origjinën e Hasanit: Flet gjuhën tonë për shkak të prejardhjes greke

Gjatë një konference Ministri i jashtëm grek ka bërë me dije edhe një fakt që pak ishte i njohur për origjinën e homologut të tij shqiptar. George Gerapetritis theksoi se Hasani flet gjuhën greke, për shkak të prejardhjes së tij greke.

3 Qershor 2025, 21:02 Nga E. D
Vizita zyrtare në Athinë/ Ministri i Jashtëm grek zbulon
Igli Hasani dhe George Gerapetriti

ATHINË- Ministri për Evropën dhe Punët e Jashtme, Igli Hasani zhvilloi një vizitë zyrtare në Athinë, ku u prit nga Ministri i Punëve të Jashtme të Greqisë, George Gerapetritis. Gjatë një konference Ministri i jashtëm grek ka bërë me dije edhe një fakt që pak ishte i njohur për origjinën e homologut të tij shqiptar. George Gerapetritis theksoi se Hasani flet gjuhën greke, për shkak të prejardhjes së tij greke.

“Kemi fatin e mirë që në Shqipërinë fqinje të shërbejë si Ministër për Evropën dhe Punët e Jashtme një njeri me aftësi të jashtëzakonshme dhe një njeri që flet gjuhën tonë: Gjuhën e arsyes evropiane. Por edhe gjuhën greke, për shkak të prejardhjes së tij greke, të cilën sot e nderon”, tha ai.

Ndërkohë ministri Hasani theksoi lidhjet historike mes dy vendeve dhe angazhimin e përbashkët për thellimin e marrëdhënieve strategjike.

“Sot me mikun tim, afirmuam angazhimin tonë të përbashkët për të forcuar marrëdhëniet dypalëshe në një frymë miqësie, partneriteti dhe respekti të ndërsjellë. Këto marrëdhënie bazohen në interesat tona strategjike, në partneritetin tonë në NATO dhe synimin e përbashkët për një Evropë më të bashkuar“, tha Hasani.

george gerapetriti igli hasani

Sondazh

Poll