Politike

Dyshime për parregullsi në zgjedhje, Partia e Lirisë kërkon hapjen e kutive dhe rinumërimin e votave në Bashkinë Kavajë

Blushi thekson se ky hap është në përputhje me Kodin Zgjedhor dhe kërkon nga institucionet përkatëse shqyrtimin dhe miratimin e kërkesës.

2 Qershor 2025, 17:58 Nga M.B
Dyshime për parregullsi në zgjedhje, Partia e Lirisë kërkon
Tedi Blushi

TIRANA- Partia e Lirisë ka depozituar një kërkesë zyrtare pranë Komisionit Qendror të Zgjedhjeve dhe Komisionerit Shtetëror të Zgjedhjeve, Ilirjan Celibashi, për hapjen e kutive të votimit dhe rinumërimin e fletëve të votimit në zonën zgjedhore të Bashkisë Kavajë.

Kërkesa e firmosur nga Sekretari i Përgjithshëm i PL-së, Tedi Blushi vjen pas dyshimeve të arsyeshme për parregullsi gjatë procesit të numërimit të votave dhe synon të garantojë integritetin dhe transparencën e rezultatit zgjedhor. Njësitë administrative që përfshihen janë Kavajë, Golem, Synej, Helmas dhe Luz i Vogël.

Kërkesa e Partisë së Lirisë:

KËRKESË: Për hapjen e kutive të votimit dhe rinumërimin e fletëve të votimit për zonën zgjedhore të Bashkisë Kavajë.

I nderuar Komisioner,

Në zbatim të Kodit Zgjedhor të Republikës së Shqipërisë dhe në funksion të garantimit të integritetit të procesit zgjedhor, ju drejtohemi me këtë kërkesë për hapjen e kutive të votimit dhe rinumërimin e fletëve të votimit për të gjitha njësitë administrative që përbëjnë zonën zgjedhore të Bashkisë Kavajë, konkretisht:

Njësia Administrative Kavajë

Njësia Administrative Golem

Njësia Administrative Synej

Njësia Administrative Helmas

Njësia Administrative Luz i Vogël

Kërkesa jonë mbështetet në dyshime të arsyeshme mbi parregullsi gjate procesit të numërimit dhe synon garantimin e transparencës dhe legjitimitetit të rezultatit përfundimtar.

Dyshime për parregullsi në zgjedhje, Partia e Lirisë kërkon

partia e lirisë

Sondazh

Poll

MË SHUMË