TIRANË- Partia Socialiste është e qartë në qendrimin e saj në raportin e kryebashkiakut Lefter Alla, pas publikimit të videos ku ai shfaqet duke marrë kokainë në një banak lokali. Në përfundim të diskutimeve në Komisionin e Ligjeve, kryetari Ulsi Manja tha se përgjegjësia është ‘individiale’.”PS është e qartë për vullnetin e saj, që prej momentit kur ka votuar dekriminalizimin, përgjegjësia për këtë çështje është individuale”,-tha Manja.
Ndërsa, i ftuar në rubrikën “Opinion” në “News24”, Manja tha se deri ën përfundim të hetimeve, kryebashkiaku i Bulqizës Lefter Alla duhet pezulluar. Ndërsa shtoi më tej, se nëse hetimet vërtetojnë që personi që thith drogë në video është Alla, atëherë duhet shkarkuar. Manja u shpreh gjithashtu se Partia Socialiste nuk mund të bëhet mburojë për askënd.
“PS e ka bërë të qartë se nuk bëhet mburojë për asnjë person publik, qoftë i zgjedhur në nivel vendor apo qëndro, nëse bie ndesh me ligjin. Edhe në rastin konkret, PS është e qartë. Nëse kryebashkiaku është në konflikt me ligjin, është në përgjegjësinë e qeverisë të ndërmarrë të gjitha masat për ta shkarkuar nga detyra. Duhet të kemi një hetim të paanshëm, të shpejtë dhe objektiv dhe derisa të flasë drejtësia kryebashkiaku mendoj se duhet të jetë i pezulluar. Por, nuk mendoj për shkarkim pa folur drejtësia,”- tha Manja.
Ndërkohë që deputeti Adnor Shameti, nuk donte të jepte koment, pasi sipas tij nuk e kishte parë ende videon. “Nuk kam koment, pasi nuk e kam parë videon. Përgjegjësia juridike nuk është përgjegjësia personale. Përgjegjësia personale nuk i takon subjektit politik.”-tha Shameti. Ndërkohë që ministri i Shtetit, Pandeli Majko nuk ka pranuar të komentojë për gazetarët videon e Allës.
Kursi i Partisë Socialiste ka ndryshuar 360 gradë në më pak se 24 orë. Dje pas publikimit të videos, Xhemal Gjunkshi dhe Rovena Voda u shprehën se pamjet e publikuara nga gazetari Artan Hoxha mund të jenë edhe montazh, ndërkohë që sot, pasi SPAK nisi hetimet për Allën, me akuzën e prodhimit dhe të shitjes së lëndëve narkotike, Petro Koçi i pari foli për përgjegjësi penale, duke pasuar më pas me distancimin e Pjerin Ndreut, Ulsi Manjës dhe Adnor Shametit.
Ditën e djeshme, gazetari investigativ Artan Hoxha ka publikuar videon e kryebashkiakut të Bulqizës Lefter Alla duke konsumuar ‘kokainë’. Pas publikimit të pamjeve, një reagim i menjëhershëm ka ardhur nga Alla, i cili e ka cilësuar videon si montazh duke pretenduar se i është bërë edhe presion nga grupet kriminale, që sipas tij veprojnë në Bulqizë për interesa biznesi, ndërkohë që PD kërkon largimin e tij. Socialistët e kanë marë deri më tani në mbrojtje Allën, ku Xhemal Gjunkshi dhe Rovena Voda, kanë mbështetur versionin e Allës se videoja mund të jetë montazh. Në fakt, konsumimi i lëndëve narkotike nuk e pengon Allën të ushtrojë detyrën e kryebashkiakut, por kjo duket se nuk ka bindur SPAK, që sot nisi hetimet për prodhim dhe shitje të lëndëve narkotike.
(F.g/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
ITALI– Kryeministri Edi Rama, teksa ndodhet në Itali, ka zhvilluar një takim me ministrin e Jashtëm, Luigi Di Maio për konferencën e donatorëve që pritet të zhv...
TIRANË- Ish-deputeti i Partisë Demokratike, Ervin Salianji i është përgjigjur kryebashkiakut të Bulqizës, Lefter Alla, pasi ky i fundit tha se po vinte në ...
Tiranë- ‘Lumë’ komentesh në rrjetet sociale ndaj Lefter Allës, kryebashkiakut të Bulqizës, për të cilin, gazetari Artan Hoxha publikoi një video ku shfaqej duke...
TIRANË- ‘Kam një vit që kam dijeni për montazhin…’, ky është sqarimi i paqartë që jep përmes rrjeteve sociale, Lefter Alla, kryetar i Bashkisë Bulqizë, dal...
TIRANË– Kryebashkiaku i Lezhës, Pjerin Ndreu ka bërë një deklaratë, e cila me siguri do të mbahet mend gjatë, jo në opinionin publik në radhët e Partisë So...
LEZHË- Kryebashkiaku i Lezhës, Pjerin Ndreu ka deklaruar se shumë shpejt do të jepet bonusi i qirasë për familjet e prekura nga tërmeti. Ndreu u shpreh se ...
TIRANE– Zv.ministri i Mbrojtjes, Petro Koçi ka ‘shigjetuar’ direkt kryebashkiakun e Bulqizës, Lefter Alla, i cili u filmua duke marrë kokainë në një loka...
TIRANË– Kryetari i Partisë Demokratike, Lulzim Basha ka reaguar pas publikimit të Raportit të Transparency International, i cili e rendit Shqipërinë në në ...
Tiranë– Deputetja socialiste Blerina Gjylameti sot ka ditëlindjen dhe mbush plot 40-vjeç. Ajo ishte sot e pranishme në mbledhjen e Komisionit të Ekonomi...