PD mori 34.27% të votave të brendshme dhe 23.54% të emigrantëve, me një mesatare prej 32.93%, që i prodhuan 50 mandate.
TIRANË- Partia Socialiste ka arritur që të marrë 733,727 vota brenda vendit gjatë zgjedhjeve të përgjithshme të vitit 2025, sipas të dhënave nga Komisioni Qendror i Zgjedhjeve, që tashmë ka numëruar 5217 kuti, nga 5,225 në total.
Në krahasim me zgjedhjet e vitit 2021, Partia Socialiste ka humbur rreth 34 mijë votues, me një rënie prej 4.5%. Kjo Parti fitoi zgjedhjet duke marrë 52.14% të votave të brendshme dhe 61.15% të emigrantëve, që votuan për herë të parë këtë vit, me një total prej 53.26%, që i dhanë asaj 83 mandate.
Koalicioni Partia Demokratike – Aleanca për Shqipërinë Madhështore, një koalicion mes Partisë Demokratike dhe 25 partive të tjera, përfshirë dhe Partinë e Lirisë (ish LSI), ka marrë 480,225 vota në zgjedhjet e 2025-s, duke humbur gati 140 mijë votues, me një rënie prej 22.5%.
PD mori 34.27% të votave të brendshme dhe 23.54% të emigrantëve, me një mesatare prej 32.93%, që i prodhuan 50 mandate.
Nëse krahasimi bëhet duke mbledhur votat e PD dhe LSI në 2021-n, (PD ishte në koalicion me 13 parti në tjera me siglën Partia Demokratike-Aleanca për ndryshim, ndërkohë që LSI garoi më vete në atë kohë), ato morën në 2021 rreth 729 mijë vota (107 mijë vota i mori LSI).
Duke pasur parasysh që Partia e Lirisë (ish LSI) ishte brenda koalicionit në 2025-s, këto dy parti së bashku kanë humbur 247 mijë votues, me një rënie prej gati 40% në krahasim me zgjedhjet e 2021-t.
Elbasani dhe Fieri, qarqet ku PD u tkurr më shumë
Partia Demokratike (pa përfshirë LSI) ka humbur votues në të gjitha qarqet. Më e thellë rënia ka qenë në qarkun e Fierit, me 25 mijë votues më pak, me një tkurrje prej 40%.
Qarku i dytë me humbjen më të fortë është Elbasani, me 18 mijë votues më pak, me një reduktim prej 32.6%. Më pas vijon Korça, ku numri i votuesve është ulur me 27% (-17 mijë votues). Në të gjitha qarqet, PD ka shënuar rënie dy shifrore. Më e ulët tkurrja është në Tiranë me 17% më pak (-31 mijë votues).
Duke mbledhur dhe votat e LSI-së, rënia më e fortë në përqindje vijon të mbetet Fieri (-48%), e ndjekur nga Gjirokastra (-41%), Elbasani (-39%), Korça (38%). Tkurrja më e vogël është në Kukës (-21%), ku LSI pothuajse nuk kishe elektorat në 2021-n.
Partia Socialiste ka arritur që të rrisë votuesit në katër qarqe, Shkodër (+15%), ose 4.5 mijë votues më shumë; Dibër me 11.8% (+3.4 mijë votues); Fier me 5.9%, ose 5.4 mijë votues shtesë, dhe Lezha me një rritje minimale prej 1.1% të votuesve në krahasim me zgjedhjet e 2021.
Humbjen më të madhe të votuesve PS e kishte në Kukës me 20% më pak (-2.9 mijë votues); Berat, me rënie 13% (-5.5 mijë votues) dhe Vlorë (-9.8%, ose 5.8 mijë më pak). PS kishte gati 19 mijë votues më pak dhe në Tiranë, me një rënie prej 8.3%./MONITOR
Taulant Balla dhe Edi Rama TIRANA- Drejtuesi i diasporës në Partinë Socialiste Taulant Balla ka siguruar kandidatët e k&eu...
Ilir Alimehmeti TIRANË- Kandidati i listës së hapur të PD në Tiranë Ilir Alimehmeti tha se nuk konsideron veten të...
Edi Rama TIRANA- Kryeministri njëherësh me kryesocialisti Edi Rama ka këshilluar kandidatët e tij për deputetë që t...
Erald Kapri TIRANË- Kandidati i Partisë Mundësia në Tiranë, Erald Kapri, tha se vota e diasporës ishte dyshuese q&e...
Donald Trump dhe Vladimir Putin SHBA- Pavarësisht ftesës as Putin dhe as Trump nuk morrën pjesë në bisedimet për Ukrainë...
Jorida Tabaku TIRANA- Deputetja e zgjedhur i koalicionit PD-ASHM Jorida Tabaku ka marrë mandatin e vetëm të fituar nga kjo forcë n...
ina zhupa TIRANË- Drejtuesja politike e Partisë Demokratike për Sarandën, Ina Zhupa, përmes një reagimi ngre alarmin pë...
Foto ilustruese TIRANA- Komisioni Qendror i Zgjedhjeve ka urdhëruar numërimin fillestar të votave të panumëruara pë...
Foto ilustruese LEZHA- Ka përfunduar numërimi i votave të diasporës për kandidatët për qarkun e Lezhës ng...
pamje nga vendngjarja TIRANË- Ka përfunduar procesi i numërimit të votave të Diasporës, për votën preferencial...