Politike

Voton Sekretari i Përgjithshëm i PD, Flamur Noka: Dilni votoni, ndryshimi është në duart tuaja!

Ai e ka cilësuar 11 majin si një ditë të madhe ku shqiptarët kanë mundësinë të vendosin me votën e tyre për ndryshimin. 

11 Maj 2025, 11:32 Nga N.F
Voton Sekretari i Përgjithshëm i PD, Flamur Noka: Dilni votoni,
Noka

TIRANË- Sekretari i Përgjithshëm i PD, Flamur Noka ka votuar paraditen e sotme. Pas votimit Noka ka folur për gazetarët ndërsa u bëri thirrje qytetarëve të dalin të votojnë. Ai e ka cilësuar 11 majin si një ditë të madhe ku shqiptarët kanë mundësinë të vendosin me votën e tyre për ndryshimin. 

Noka shtoi se fati i vendit është në duart e qytetarëve dhe se duhet të votojnë masivisht. Ai theksoi se për t'u shkëputur nga e sotmja dhe e kaluara 12-vjeçare e errët e Shqipërisë duhet të dalin në votime.

"Sot është një ditë e madhe. Sot shqiptarët kanë mundësinë të vendosin me votën e tyre për ndryshimin. Një thirrje kam për çdo qytetar të këtij vendi. Dilni votoni. Fati juaj dhe i vendit tonë është në duart tuaja dhe të askujt tjetër. Masivisht në votime për të ndryshuar këtë realitet.

Masivisht për të ushtruar verdiktin tuaj, të drejtën tuaj, masivisht, për të vendosur për qeverisjen e nesërme dhe për t'u shkëputur nga e sotmja dhe e kaluara 12 vjeçare e errët e Shqipërisë. Dilni në votime. Ndryshimi është në duart tuaja," tha ai.

flamur noka

Sondazh

Poll

MË SHUMË