Aktualitet

Ishin duke punuar dhe zuri poshtë masivi i dheut, humbin jetën 2 të rinj në Gramsh, PAMJET nga vendi i ngjarjes

Sipas të dhënave, viktimat janë Abas Basha, 22-vjeç, dhe Egzon Lleshi, 32-vjeç.

10 Maj 2025, 16:22 Nga M.B
Ishin duke punuar dhe zuri poshtë masivi i dheut, humbin jetën 2
Foto nga vendi i ngjarjes

GRAMSH- Një tjetër ngjarje e rëndë ka tronditur vendin pasi dy të rinj humbën jetën në fshatin Holtë të Njësisë Administrative Poroçan në bashkinë e Gramshit, gjatë punës në një kantier ndërtimi të një hidrocentrali që po ndërtohet nga një kompani private. Sipas të dhënave, viktimat janë Abas Basha, 22-vjeç, dhe Egzon Lleshi, 32-vjeç.

Paraprakisht dyshohet se të rinjtë kanë humbur jetën si pasojë e rrëshqitjes së një masivi dheu, ndërsa ndodheshin në vendin e punës. Grupi hetimor ndodhet në vendngjarje dhe ka nisur punën për të zbardhur plotësisht rrethanat e kësaj ngjarjeje si dhe për të dokumentuar ligjërisht shkeljet eventuale të protokolleve të sigurisë.

Ngjarje të tilla, si dhe ajo e Klosit, e nxjerrin në pah mungesën e mbikëqyrjes së institucioneve përgjegjëse për zbatimin e ligjit të sigurisë në punë, veçanërisht në kantieret e kompanive private, ku shpesh mungojnë kontrollet dhe punëtorët përballen me rreziqe për jetën.

gramsh

Sondazh

Poll

MË SHUMË