Politike

DASH 'rrëzoi' vendimin e Blinken për Berishën/ Reagon ‘Continental Strategy’: Neni 7031(c) u përdor si armë politike

Një zëdhënëse e kompanisë tha për Associated Press se puna e tyre synon heqjen e non-gratave, që janë përdorur si armë politike edhe ndaj liderit demokrat.

8 Maj 2025, 11:55 Nga I.A
DASH 'rrëzoi' vendimin e Blinken për Berishën/ Reagon
Sali Berisha

SHBA- Departamenti Amerikan i Shtetit ka deklaruar për gazetarin e njohur amerikan, Marc Caputo se Kreu i PD-së Sali Berisha mund të udhëtojë për në SHBA. Pas këtij lajmi të bujshëm ka reaguar dhe kompania ‘Continental Strategy’, e angazhuar nga opozita shqiptare për mbrojtjen e kauzave të saj. Një zëdhënëse e kompanisë tha për Associated Press se puna e tyre synon heqjen e non-gratave, që janë përdorur si armë politike edhe ndaj liderit demokrat.

Pjesë nga shkrimi i Associated Press:

Melissa Stone, zëdhënëse e kompanisë Continental, tha: “Puna jonë po financohet nga një biznesmen shqiptaro-amerikan dhe lider aktiv në diasporën shqiptaro-amerikane, i cili e do Amerikën dhe e do Shqipërinë.”

Kjo përfshin edhe përpjekjet për të hequr sanksionet ndaj Berishës, i cili është ndaluar të zhvillojë fushatë në SHBA, ku jeton një pjesë e madhe e shqiptarëve të diasporës.

“Si pjesë e punës sonë për të përmirësuar marrëdhëniet dypalëshe mes Shqipërisë dhe Shteteve të Bashkuara, ne po kërkojmë aktivisht nga Administrata Trump të nisë një rishikim të plotë dhe të përmbysë përdorimin politik të nenit 7031(c) gjatë epokës Biden ndaj liderëve konservatorë, pro-amerikanë, përfshirë Presidentin Sali Berisha,” tha ajo në një deklaratë.

Departamenti Amerikan i Shtetit ka deklaruar se kreu i Opozitës Sali Berisha mund të shkojë në SHBA. Gazetari amerikan Marc Caputo që punon për agjencinë e lajmeve “Axios”, i ka drejtuar një pyetje Departmentit të Shtetit në lidhje me non gratën e Berishës. Ndërkohë që përgjigja e DASH për këtë ështe se Berisha mund të shkojë në SHBA, pasi departmenti bën përjashtime në raste të tilla. Sipas përgjigjes së publikuar nga gazetari, DASH thekson se nuk do të lejojnë që marrëdheniet me Shqipërinë të mbahen peng nga vendime politike të kohës së Presidentit Joe Biden.

marc caputo sali berisha dash

Sondazh

Poll

MË SHUMË