Politike

"Në Gjermani humbën 40 mijë vota"/ Celibashi: Te ne nuk vihet në diskutim integriteti i votimit nga jashtë

Celibashi në një dalje për mediat ka theksuar edhe pse procesi nuk është realizuar në mënyrë perfekte, integriteti i votës nga jashtë nuk diskutohet. 

6 Maj 2025, 11:44 Nga I.A
"Në Gjermani humbën 40 mijë vota"/ Celibashi: Te ne nuk
Ilirjan Celibashi

TIRANË- Kreu i Komisionit Qëndror të Zgjedhjeve Ilirjan Celibashi ka komentuar procesin e votimit nga jashtë, duke theksuar se nuk mund të vihet në diskutim integriteti. Celibashi në një dalje për mediat ka theksuar edhe pse procesi nuk është realizuar në mënyrë perfekte, integriteti i votës nga jashtë nuk diskutohet. 

Po ashtu Celibashi tregoi se në Gjermani nga votimi i diasporës, kanë humbur rreth 40 mijë vota. Po ashtu theksoi se dhe ne Austri nuk janë konsideruar votat nga jashtë për shkak se zarfet ishin të hapura. 

"Nuk vihet në dyshim integriteti i votimit nga jashtë. Është një proces që nuk është realizuar në mënyrë perfekte, jo për shkaqe që lidhen me KQZ, por është një proces i realizuar shumë mirë. Kjo, gjykuar nga numrat. Nga ato çfarë vijnë këtu te ne nëpërmjet partive dhe votuesve asesi ky proces nuk mund të vihet në diskutim. Para disa ditësh po lexoja për procesin e votimit nga jashtë në Gjermani dhe atje diskutohej për humbjen e 40 mijë votave.

Në Austri nuk u konsideruan votat nga jashtë pasi zarfet ishin të hapur. Respektoj mendimin dhe opinionin e gjithkujt në lidhje me këtë çështje. Ky proces meriton të vlerësohet i arrirë dhe e ka përmbushur qëllimin e tij. Në fund të fundit janë 144 mijë votues që e kanë sjellë fletën e votimit, numrat tregojnë që sistemi ka funksionuar. Po flasim për një sistem që është përgatitur në një kohë shumë të shkurtër," tha Celibashi.

ilirjan celibashi

Sondazh

Poll

MË SHUMË