Aktualitet

Arrestohen dy shqiptarë në Gjermani/ U ndaluan nga policia në pikën kufitare Altenheim, pasagjeri me precedentë penalë tentoi të arratiset

Gjatë kontrollit të të dhënave të tij personale, u zbulua se 33-vjeçari kërkohej me urdhër arresti ndërkombëtar nga autoritetet suedeze për 15 akuza për vjedhje.

27 Prill 2025, 16:27 Nga N.F
Arrestohen dy shqiptarë në Gjermani/ U ndaluan nga policia në
Foto ilustruese

GJERMANI- Autoritetet gjermane kanë vënë në pranga dy shqiptarënë pikën kufitare Altenheim në Gjermani. Sipas raportimeve arrestimi ka ndodhur në afërsi të pikës kufitare Altenheim ku u ndua një mjet. Pas ndalimit, pasagjeri 33-vjeçar është larguar dhe pas një ndjekjeje të shkurtër, ai është arrestuar.

Gjatë kontrollit të të dhënave të tij personale, u zbulua se 33-vjeçari kërkohej me urdhër arresti ndërkombëtar nga autoritetet suedeze për 15 akuza për vjedhje. Gjithashtu, kishte edhe një urdhër arresti kombëtar për vjedhje, sipas të cilit 33-vjeçari duhet të vuajë 122 ditë burg. Aktualisht Policia Federale supozon se dy shtetasit shqiptarë kanë hyrë në territorin federal për të kryer vepra penale të vjedhjes.

33-vjeçari u dërgua në një institucion korrektues për të vuajtur pjesën e mbetur të dënimit me burg dhe më pas do t’i dorëzohet autoriteteve suedeze. Gjithashtu, ai do të akuzohet edhe për hyrje të paligjshme. Shoferit 36-vjeçar iu dha një ndalim për pesë vjet hyrje dhe qëndrim dhe po ashtu përballet me akuzën e ndihmës dhe nxitjes së hyrjes së paligjshme. Më pas ai iu dorëzua autoriteteve franceze.

arrestohen dy shqiptarë në gjermani

Sondazh

Poll

MË SHUMË