Sport

Xavi Simons ëndërron të kthehet te Barça, por Premier League e tundon...

“Unë kam shumë ëndrra, klubi e di këtë. Tani dua të fokusohem vetëm në angazhimet e radhës, pastaj do të shohim”.

21 Prill 2025, 14:37 Nga DOSJA
Xavi Simons ëndërron të kthehet te Barça, por Premier

GJERMANI - Xavi Simons sot mbush 22 vjeç dhe po mendon për të ardhmen e tij. Endrra e tij është të kthehet në Barcelonë, ndërkohë që një klub i Premier League është gati të bëjë një ofertë të madhe.

Në ditëlindjen e tij të 22-të, Xavi Simons e gjen veten në qendër të merkatos evropiane: talenti holandez, protagonist i një sezoni të mrekullueshëm me RB Leipzig ( 10 gola dhe 6 asistime në 29 ndeshje), është në garë mes Barcelonës dhe Manchester United.

Lojtari i rritur në La Masia nuk e ka fshehur kurrë ëndrrën e tij për t'u rikthyer te Blaugrana , por situata ekonomike e klubit katalanas e bën operacionin të komplikuar. Hipoteza e Premier League është më konkrete : “Djajtë e Kuq” janë gati të vendosin 75 milionë euro në tavolinë për ta hequr atë nga Bundesliga.

Pas ndeshjes së fundit, e cila përfundoi në barazim kundër Holstein Kiel, Simons la të kuptohet se e ardhmja e tij ende duhet të shkruhet: “Unë kam shumë ëndrra, klubi e di këtë. Tani dua të fokusohem vetëm në angazhimet e radhës, pastaj do të shohim”.

Ndërkohë, sipas Mundo Deportivo, Man.United mbetet në pole-pozicion për ta bindur atë: kualifikimi për Ligën e Kampionëve, nëpërmjet fitores në Europa League, mund të garantojë fondet e nevojshme për të mbyllur marrëveshjen dhe për të sjellë një nga lojtarët më të kërkuar të Trafordit në skenën evropiane.

B.T (Dosja.al)

Sondazh

Poll

MË SHUMË