Politike

"Kishte kuorum dhe kushte për votim të raportit"/ Abdixhiku: Po shihet qartë kush janë bllokuesit e seancës konstituive

Abdixhiku tha se kryesuesi e ndërpreu seancën ndonëse kishte kuorum dhe kushte për të votuar raportin e Komisionit të përkohshëm për verifikimin e mandatit të deputetëve.

17 Prill 2025, 14:17 Nga I.A
"Kishte kuorum dhe kushte për votim të raportit"/ Abdixhiku:
Lumir Abdixhiku

KOSOVË- Kryetari i Lidhjes Demokratike të Kosovës, Lumir Abdixhiku pas dështimit të seancës konstituive për të dytën herë tha se tashmë qytetarët e Kosovës e kanë shumë të qartë se kush janë bllokuesit e Kuvendit. Abdixhiku tha se kryesuesi e ndërpreu seancën ndonëse kishte kuorum dhe kushte për të votuar raportin e Komisionit të përkohshëm për verifikimin e mandatit të deputetëve.

“Kryesuesi i seancës konstituive e që rastësisë të jetë më i vjetri në moshë dhe rastësisë të jetë nga partia e parë, pa të drejtë e kundër praktikës kushtetuese ndërpreu seancën e sotme ndonëse kishte kuorum të mjaftueshëm dhe kushte për votim të raportit të Komisionit verifikues”, tha ai.

Sipas tij, është për keqardhje kjo praktikë e re bllokuese e kushtetutshmërisë dhe institucionit më të lartë. 

“Kjo është shkelje e rëndë, praktikë e pazakontë dhe sjellje e prapët politike”, tha ai.

lumir abdixhiku

Sondazh

Poll