TIRANË– Gazetari Alfred Lela ka komentuar marrëveshjen mes Opozitës dhe maxhorancës. Në një shkrim të publikuar në portalin “Politiko.al“, Lela shkruan se kreu i PD-së Lulzim basha kërkon që analistët të kenë by**ë dhe ta trajtojnë marrëveshjen si fitore të opozitës dhe si delegjitimim të Parlamentit. Sipas Lelës, kryeopozitari mendon se fakti që Parlamenti ka dalë nga insitucioni dhe është ulur me Opozitën, tregon që ata janë dorëzuar para tyre.
Gazetari shkruan më tej se marrëveshja nuk ka pse të jetë fitore sa kohë që mjafton të jetë armëpushim dhe se Basha e futi partinë e vet dhe opozitën në një përballje të cilën nuk mundi ta çonte deri në fund, as si luftë dhe as si paqe.
“Duke iu trembur gëzimit të kësaj të fundit, nisur nga precedenti i ‘muajve të mjaltit’ të verës 2017, Basha bërtet ‘fitore’ dhe kërkon b…ë te të tjerët. Nga droja se mos të tjerët i vërejnë pikërisht këtë mungesë,”- shkruan ndër të tjera Lela.
Shkrimi i plotë i Alfred Lelës
Në një shkrim në gazetën Panorama analisti Agron Gjekmarkaj e cilësonte fitore marrëveshjen e arritur mes opozitës dhe mazhorancës për Reformën Zgjedhore. Sepse, arsyetonte Gjekmarkaj, parlamenti delegjitimohej dhe bojkoti i PD jepte më në fund frute. Kryetari i PD, që ka qenë në zor për të gjetur teknika komunikimi që do të shisnin te publiku një marrëveshje të re me Ramën, e ka rimarrë tezën e Gjekmarkajt dhe e ka përsëritur në Kolegjin e Kryetarëve (krerëve të degëve të partisë) të thirrur pasditen e së mërkurës. Analistët që kanë b…ë, ka thënë Basha sipas burimeve të Politiko.al duhet ta trajtojnë marrëveshjen si fitore të opozitës dhe si delegjitimim të Parlamentit. Thënë më qartë: parlamenti duke dalë nga institucioni dhe duke u ulur me përfaqësuesit e opozitës në një mjedis neutral si Pallati i Kongreseve është ‘dorëzuar’. Basha me anë të këtij lejtmotitvi ka dashur, jo vetëm të qetësojë të vetët, duke u dhënë një fitore në tavolinë, por edhe të kompleksojë analistët duke u thënë se, nëse mbroni një tezë tjetër veç kësaj ‘jeni të shitur te Rama’. Agron Gjekmarkaj, i ftuar mbrëmë në Real Story në Neës 24, ka ngulmuar se nuk ia ka marrë ai Bashës tezën, por është e kundërta, Basha po përdor tezën e tij. Pavarësisht e kujt është teza dhe pavarësisht se ajo përdoret për qëllime të ndryshme nga analisti dhe politikani, ajo që i intereson diskutimit është vërtetësia e saj. A qëndron ideja se opozita duke i marrë këtë marrëveshje shumicës delegjitimoi atë institucion që u nis të nxirrte nga shinat më 17 shkurt të vitit të shkuar kur braktisi parlamentin? Kjo e vërtetë ka dy gjysma të cilat komplotojnë kundër njëra-tjetrës. Sa ç’është e vërtetë se opozita e tërhoqi shumicën në fushë asnjanëse për të diskutuar dhe miratura së bashku Reformën Zgjedhore po aq qëndron edhe e kundërta. Shumica ‘e futi opozitën në Parlament’ sepse aty do të jetë vula e fundit që do të certifikojë vullnetin politik për marrëveshje të palëve. Madje ‘futja në Parlament’ dhe në sistem duket se është qëllimi i marrëveshjes. Marrëveshja nuk ka pse të jetë fitore sa kohë që mjafton të jetë armëpushim. Basha e futi partinë e vet dhe opozitën në një përballje të cilën nuk mundi ta çonte deri në fund, as si luftë dhe as si paqe. Duke iu trembur gëzimit të kësaj të fundit, nisur nga precedenti i ‘muajve të mjaltit’ të verës 2017, Basha bërtet ‘fitore’ dhe kërkon b…ë te të tjerët. Nga droja se mos të tjerët i vërejnë pikërisht këtë mungesë.
Një ditë më parë u mblodh për herë të parë Këshilli Politik për Reformën Zgjedhore. Gjatë mbledhjes u mor vendimi për përcaktimin e ekspertëve të jashtëm. Këshilli ka vendosur që të caktojë gjashtë ekspertë ligjorë për reformën zgjedhore, dy do të jenë nga opozita e bashkuar, dy nga komisioni, praktikisht një nga shumica dhe një nga opozita në parlament dhe dy të tjerë që do të jenë të jashtëm nga OSBE-ja. Këshilli politik mblidhet pas marrëveshjes së bërë në tryezën e Reformës Zgjedhore nga Opozita dhe maxhoranca. Këshilli Politik që do jetë përgjegjës për krijimin e draftit konsesual të Reformës Zgjedhore.
(f.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANE- Nisma me 50 mijë firma për ndryshimin e sistemtit është dorëzuar zyrtarisht sot në Kuvend. Ishte deputeti Ralf Gjoni ai që depozitoi projekt-ligjin dhe ...
TIRANË- Ish-deputetja e Partisë Demokratike, Oriola Pampuri, ka treguar sot një hisotri që i kishte ndodhur disa kohë më parë. E ftuar sot në emisionin “Ft...
TIRANË- Ambasadorja e re e SHBA në Shqipëri, Yuri Kim, do mbërrijë në Tiranë në datën 30 janar, ku do ketë dhe pritjen e parë. Sipas informacioneve që ka s...
TIRANË- Erion Veliaj, pak ditë më parë shpalli garën për të gjithë grupet e individët kreativ që të dërgonin logon e tyre për 100-vjetorin e Tiranës kryeqy...
TIRANE– Partia Demokratike ka denoncuar sot se po përgatitet lirimi i Arben Grorit, i dënuar me burgim të përjetshëm për vrasjen e Naim Zyberit.Gazment Bardhi, ...
TIRANË- Gjykatës së Tiranës ka zbardhur vendimin për pushimin e çështjen ndaj Lulzim Bashës dhe dy zyrtarët e tjerë të PD-së, të cilët akuzoheshin p...
TIRANË– Ministrja e Drejtësisë Etilda Gjonaj ka dalë në një deklaratë për mediat pas lirimit të dy personave të ‘rrezikshëm’ nga burgu. Në deklaratën e saj...
TIRANË- Kryetari i bashkisë së Mallakastrës Qerim Ismailaj ka depozituar sot shenjat e gishtave. Mësohet se kryebashkiaku ka depozituar shenjat e gishtave ...
TIRANË- Sekretari i Burimeve Njerëzore në Partinë Demokratike Ervin Minarolli, në një konferencë për shtyp nga selia e partisë ka akuzuar Operatorin e Shpë...
TIRANE- Ministria e Brendshme propozon ndryshime në Kodin Rrugor, si dhe masa të tjera drastike për të parandaluar aksidentet në rrugë. Një ndër keyo masa është...