Politike

Hapja e grup-kapitullit të dytë të negociatave, ministri Hasani: Asnjë sekondë e humbur drejt BE-së!

Hasani në reagimin e tij shprehet se ky është një hap tjetër i rëndësishëm dhe se është një sinjal i qartë se sa shpejt dhe me sa seriozitet Shqipëria po përkushtohet në rrugën drejt Bashkimit Evropian.

14 Prill 2025, 20:34 Nga N.F
Hapja e grup-kapitullit të dytë të negociatave, ministri Hasani:
Hasani dhe Kos

LUKSEMBURG- Ministri për Evropën dhe Punët e Jashtme, Igli Hasani ka reaguar së fundmi pas përfundimit të Konferencës së Katërt Ndërqeveritare të mbajtur sot pasdite në Luksemburg mes BE-Shqipëri, ku është çelur një tjetër grup-kapitull negociatash për Tregun e Brendshëm. Hasani në reagimin e tij shprehet se ky është një hap tjetër i rëndësishëm dhe se është një sinjal i qartë se sa shpejt dhe me sa seriozitet Shqipëria po përkushtohet në rrugën drejt Bashkimit Evropian.

"Një hap tjetër i rëndësishëm sot në Konferencën e Katërt Ndërqeveritare BE–Shqipëri në Luksemburg. Hapja e Grup-Kapitullit të Dytë me 9 kapituj- Tregu i Brendshëm është një sinjal i qartë se sa shpejt dhe me sa seriozitet Shqipëria po përkushtohet në rrugën drejt Bashkimit Evropian. Tre grup-kapituj, të hapur dhe duke ecur me ritëm të shpejtë," shprehet Hasani.

Ai më tej nënvizoi që koha është e çmuar dhe Shqipëria nuk po humb asnjë sekondë në rrugën drejt anëtarësimit në BE. Sipas tij vendi ynë është në rrugën e duhur dhe se po shpejtojmë.

hasani kos

Sondazh

Poll

MË SHUMË