Politike

“Në radhë si italianë, jo si të huaj”/ Rama: Pasaporta europiane njeh automatikisht pensionet, u morëm vesh me motrën time (Melonin) në Romë

Nga Milano, kryeministri Edi Rama shpalli përmbylljen e marrëveshjes për njohjen e pensioneve me Italinë dhe theksoi se pasaporta e BE-së do t’i vendoste shqiptarët në barazi të plotë me qytetarët europianë

13 Prill 2025, 16:22 Nga A.Ll
“Në radhë si italianë, jo si të huaj”/ Rama:
Kryeministri Edi Rama

MILANO - Gjatë takimit me emigrantët shqiptarë në Milano, kryeministri Edi Rama njoftoi finalizimin e marrëveshjes për njohjen e pensioneve mes Shqipërisë dhe Italisë. Ai tha se marrëveshja u arrit pas dakordësimit me kryeministren italiane Giorgia Meloni, të cilës iu referua me termin simbolik “motra ime në Romë”.

“Ju pritët, dhe pasi u morëm vesh me motrën time në Romë, ju prapë pritët, sepse duhej bërë ligji, do firmosej këtu e atje – histori italiane. Por, vetëm tre ditë më parë është firmosur edhe dokumenti i fundit,” deklaroi Rama.

Megjithatë, kryeministri vuri theksin se një marrëveshje e tillë nuk do të ishte e nevojshme nëse Shqipëria do të ishte pjesë e Bashkimit Europian. Ai e cilësoi pasaportën e BE-së si “njohje automatike të të gjitha të drejtave” që gëzojnë qytetarët e vendeve anëtare, përfshirë pensionet.

"Por nëse do të kishim pasaportën e BE, shqiptarët, s’do të kishit nevojë për asnjë lloj njohjeje nga qeveria italiane dhe me pasaportën e BE vëllezërit tanë dhe motrat në Greqi do të bëhen automatikisht qytetarë të barabartë në BE.

Ajo pasaportë është njohje automatike e pensioneve, e çdo të drejte që kanë italianët dhe qytetarët e tjerë të BE. Ju edhe sot, pavarësisht se mund të keni vite të tëra në Itali, se nuk keni pasaportën italiane, duhet të hyni nga ajo rradha tjetër atje, jo ke lejen jo s’ke lejen, ndërkohë që me atë pasaportë do të hyni kudo njësoj si italianët." përfundoi ai.

edi rama giorgia meloni pensionet

Sondazh

Poll

MË SHUMË