Politike

Rama: Mbyllja e Tik Tok u mbështet 100% nga gratë dhe vajzat, na dhanë mbështetje të plotë, burrat jo aq

Rama tha se "ndotësit" më të mëdhenj në debatin publik e mediatik janë më shumë burra dhe djem sesa gra dhe vajza. 

11 Prill 2025, 19:17 Nga r.ll
Rama: Mbyllja e Tik Tok u mbështet 100% nga gratë dhe vajzat, na
edi rama

TIRANË- Kryeministri Edi Rama tha sot se ideja e mbylljes së Tik Tok në Shqipëri u mbështet 100% nga gratë dhe vajzat. Ai u shpreh se mbështetja e burrave ndaj këtij vendimi ishte më e dobët. 

Sipas tij "ndotësit" më të mëdhenj në debatin publik e mediatik janë më shumë burra dhe djem sesa gra dhe vajza. 

“Nuk e di nëse do të kishim arritur të mbyllim TikTok dhe të mbrojmë fëmijët tanë nga rreziqet e mundshme pa ndihmën e nënave të nxënësve dhe të grave dhe vajzave mësuese, të cilat përbëjnë 80 për qind të trupës mësimore kombëtare. Por ajo që e di është se mbështetja e tyre për idenë e mbylljes së asaj platforme ishte pothuajse 100 për qind, ndërkohë që ajo e burrave ishte më e dobët. Di gjithashtu se ndotësit më të mëdhenj të rrjeteve sociale nuk janë gratë dhe vajzat, por grupe të tjera. Po ashtu, ata që shpërndajnë ndotje në debatin publik e mediatik janë kryesisht meshkuj,” u shpreh ai.

edi rama mbyllja e tik tok

Sondazh

Poll

MË SHUMË