Aktualitet

Kryepeshkopi Joan uron besimtarët myslimanë me rastin e Fitër Bajramit: Bashkëjetesën fetare, si çdo pasuri t'ia përçojmë brezave që do të vijnë

Kryepeshkopi shtoi se Perëndia nuk do na gjykojë vetëm për rezultatin që do kemi, por mbi të gjitha për përpjekjen e bërë.

30 Mars 2025, 16:27 Nga N.F
Kryepeshkopi Joan uron besimtarët myslimanë me rastin e Fitër
Takimi

TIRANË- Fortlumturia e Tij, Kryepeshkopi Joani ka vizituar ditën e sotme selinë e Komunitetit Mysliman në Tiranë me rastin e Fitër Bajramit. Gjatë vizitës së tij, Kryepeshkopi Joan theksoi rëndësinë e bashkëjetesës ndërfetare në vendin tonë, si një nga pasuritë më të mëdha që kemi, shembullin e të cilës mund ta përçojmë edhe jashtë kufijve tanë.

“Si çdo pasuri, duhet të kujdesemi për të siç janë kujdesur paraardhësit tanë, drejtuesit e mëparshëm të komuniteteve fetare. Kështu kemi edhe ne përgjegjësi që t’ia trashëgojmë atë brezave që do të vijnë. Për këtë nuk mjafton vetëm puna e klerikëve të secilit komunitet, por të gjithë duhet të japin kontributin e tyre”, tha ai.

Kryepeshkopi shtoi se Perëndia nuk do na gjykojë vetëm për rezultatin që do kemi, por mbi të gjitha për përpjekjen e bërë. Në këtë takim ishte i pranishëm ishte edhe Arjan Dodaj, kreu i Arqidioqezës së Tiranës dhe Durrësit të Komunitetit Katolik. 

kryepeshkopi joan

Sondazh

Poll

MË SHUMË