Politike

Berisha: Këtë dosje do e dërgojmë në të gjitha institucionet ndërkombëtare, në të gjithë botën

Gjatë fjalës së tij, Berisha u pyet nëse do e çontë këtë dosje në SPAK, si një denoncim nga ana e PD-së.

27 Mars 2025, 14:53 Nga I.A
Berisha: Këtë dosje do e dërgojmë në të gjitha
Sali Berisha

TIRANË- Kryedemokrati Sali Berisha ka deklaruar se dosjen për vjedhjen e pronave ne Vuno nga Edi Rama, do ta dërgojnë në çdo institucion të rëndësishëm në botë. Gjatë fjalës së tij, Berisha u pyet nëse do e çontë këtë dosje në SPAK, si një denoncim nga ana e PD-së. Por Berisha theksoi se, ta çosh këtë dosje në SPAK është njësoj si ta hedhësh në kosh mbeturinash. 

"Nuk kam një përgjigje për momentin, pasi siç e shihni, çdo çështje që ka të bëjë me Edi Ramën nga Skapi i partisë, hidhet në kosh. Po jap dy gjëra që janë të pabesueshme. Dosjen 184, dosje e mirëfilltas e Dumanit, me ligj, ata e transferuan në Gjykatën e Tiranës dhe gjykata në zbatim të ligjit, e rikthej dhe e transferuan vetëm se, në të dy dosjet qoftë atë të Peshkopisë dhe Durrësit, del direkt Edi Rama, del direkt në biseda Edi Rama. Tani nuk e di a e morët vesh ju për atë Muçon. Një nga aktet madhore të kërcënimit të sigurisë kombëtare, ishte eksporti i të dhënave të sistemit TIMS në drejtime absolutisht armiqësore. Se unë armiq quaj banditët, vrasësit, kriminelët, për një shoqëri ata janë armiq, e kërcënojnë.

Imagjinoni në shkeljen më të rëndë që është vërtetuar në 32 vite, të sigurisë kombëtare, Skapi e merr dhe e delegon në Gjykatën e Tiranës. Pse thoni ju, për shkakun e vetëm se ai operacion është kryer me urdhër të Edi Ramës dhe Taulant Ballës. Fare e njohur kjo. Ky personi është një kamikaz i Edi Ramës. Se ky ka kryer një operacion të tmerrshëm, të dhënat më të fshehta që kemi ne në polici, për sigurinë. Dhe ky person dërgohet te Gjykata e Tiranës, vetëm e vetëm se po të mbahej në Spak do të thirrej Taulant Balla, se ka qenë ministër. Taulant Balla sa mori detyrën, këtë kreu. Kishte 1 javë, 10 ditë dhe tha, nuk ka ndodhur gjë, ka ndodhur një gjë e zakonshme tha. Edi Rama e kishte emëruar këtë, është shumë i lidhur me këtë. Pra ta dërgojmë në Skap ne këtë është njëlloj si ta hedhim në një kosh të plehrave, por ne këtë do e dërgojmë në të gjitha institucionet ndërkombëtare, në të gjithë botën, të gjitha mediat. Natyrisht nuk është vendim përfundimtar për ti dërguar apo mos dërguar," tha Berisha.

sali berisha

Sondazh

Poll

MË SHUMË