Politike

A do ta ndihmojë Meloni Ramën në zgjedhje? Renzi: Kë ka mbështetur ajo deri tani i ka sjell ters

I pyetur nëse kryeministrja italiane do t’ia kthente nderin kreut të qeverisë shqiptare, duke e mbështetur në zgjedhet e 11 majit në Shqipëri, Renzi theksoi se kë ka mbështetur Meloni deri tani i ka sjell ters. 

27 Mars 2025, 14:50 Nga I.A

A do ta ndihmojë Meloni Ramën në zgjedhje? Renzi: Kë ka

TIRANË- Ish-kryeministri italian dhe kreu i partisë Italia Viva, Mateo Renzi tha se marrëveshja e kryeministrit Edi Rama me kryeministren Giorgia Meloni për kampin e emigrantëve në Gjadër ishte një “qokë” për të ndihmuar këtë të fundit në zgjedhjet evropiane. Në një intervistë për Euronews Albania, i pyetur nëse kryeministrja italiane do t’ia kthente nderin kreut të qeverisë shqiptare, duke e mbështetur në zgjedhet e 11 majit në Shqipëri, Renzi theksoi se kë ka mbështetur Meloni deri tani i ka sjell ters. 

“Nuk e di, sepse mendoj se është e drejtë që shqiptarët të votojnë për kryeministrin shqiptar. Unë nuk dua të ndërhyj, dhe besoj se po kështu edhe Meloni. E pastaj, duhet të them, se herët e fundit Meloni ka sjellë pak ters, sepse në Poloni kandidati i Melonit, domethënë, ai që mbështeti ajo, humbi. Në Spanjë, kandidati i Melonit, i partisë Vox, humbi. Në Mbretërinë e Bashkuar, ajo ishte për kandidatin Sunak, konservatorin, dhe fitoi Starner. Sipas meje, sjell pak ters, nuk do të merrja mbështetjen e Giorgia-s”, tha Renzi.

mateo renzi

Sondazh

Poll

MË SHUMË