Bota

Tragjedia me 59 viktima në Koçan/ Taravari në Selanik: Pacientët që ndodhen në Greqi janë në gjendje të stabilizuar

Taravari njofton se pacientët janë në gjendje të mirë shëndetësore, ndërsa ka falënderuar kolegët në Greqi për ndihmën.

18 Mars 2025, 10:58 Nga M.B
Tragjedia me 59 viktima në Koçan/ Taravari në Selanik:
Arben Taravari

SELANIK-  Ministri i Shëndetësisë në Maqedoninë e Veriut, Arben Taravari ka vizituar të lënduarit nga zjarri në Koçan, që po mjekohen në dy spitale të Selanikut. Taravari njofton se pacientët janë në gjendje të mirë shëndetësore, ndërsa ka falënderuar kolegët në Greqi për ndihmën. Ai shton se do të vijojë me informimin mbi gjendjen e pacientëve edhe në vazhdim.

“Sot në orët e hershme të mëngjesit së bashku me Ministrin për punë të jashtme z. Timço Mucunski dhe me Dr. Ilir Velën erdhëm në Selanik për të parë gjendjen e pacientëve të shtruar këtu. Sapo dal nga spitali “G. Papanikolaou General Hospital” dhe Spitali Ushtarak në Selanik, të 5 pacientët që janë shtruar në këto spitale janë për momentin stabil. Falënderoj kolegët tanë të Selanikut, popullin dhe qeverinë greke për përkushtimin dhe ndihmën e tyre! Do ju mbajmë të informuar për pacientët e tjerë”, ka shkruar Taravari.

 

arben taravari

Sondazh

Poll

MË SHUMË