Aktualitet

Përplasi për vdekje 55-vjeçarin dhe braktisi automjetin, identifikohet autori i aksidentit në aksin Pogradec-Qafë Thanë

Viktima e këtij aksidenti është identifikuar si Ilir Mimini.

16 Mars 2025, 21:01 Nga r.ll
Përplasi për vdekje 55-vjeçarin dhe braktisi automjetin,
foto ilustruese

POGRADEC- Policia ka identifikuar drejtuesin e automjetit që përplasi për vdekje pasditen e sotme një 55-vjeçar në aksin “Pogradec-Qafë Thanë”.

Sipas informacioneve policore, shoferi i shpallur në kërkim është shtetasi me inicialet D.J., 29 vjeç. Ndërkohë viktima e këtij aksidenti është identifikuar si Ilir Mimini.

NJOFTIMI I POLICISË: 

Përplasi me automjet një 55-vjeçar dhe u largua nga vendi i aksidentit, pas ndjekjes intensive dhe kontrolleve nga Policia, identifikohet dhe shpallet në kërkim drejtuesi i automjetit, shtetasi D. J., 29 vjeç.

Specialistët e Sektorit të Qarkullimit Rrugor pas kontrolleve intensive të bëra dhe vëzhgimit të kamerave në zonën ku ndodhi aksidenti kanë bërë të mundur identifikimin e automjetit dhe drejtuesit të tij, i cili  u largua nga vendi i aksidentit. Rreth orës 18:45, në fshatin Mëmëlisht, ky shtetas, me automjetin që drejtonte, përplasi shtetasin I. M., 55 vjeç, këmbësor, i cila si pasojë e plagëve të marra, ndërroi jetë.

Vijon puna për kapjen e 29-vjeçarit.

Materialet procedurale do t’i kalojnë Prokurorisë, për veprime të mëtejshme.

aksident ne pogradec- qafe thane ilir mimini

Sondazh

Poll

MË SHUMË