Politike

Lëvizjet në koalicionin "Nisma Shqipëria Bëhet", Lapaj heq babain e tij nga lista e kandidatëve për deputet në Berat

Ai nuk figuron më në listën e finalizuar në KQZ, ndërsa është Aleksander Bacaj ai që kryeson listën. 

16 Mars 2025, 18:36 Nga r.ll
Lëvizjet në koalicionin "Nisma Shqipëria Bëhet",
adriatik lapaj

TIRANË- "Hyrjet dhe daljet" në listën e kandidatëve për deputet të koalicionit "Nisma Shqipëria Bëhet", me drejtues Adriatik Lapajn, kanë qenë në vëmendje në ditët e fundit. Lëvizja e parë që bëri lajm ishte përfshirja e babait të Lapajt, Ferman Lapaj, në listën e kandidatëve në qarkun e Beratit. Madje ai kryesonte listën. Së fundmi, bëhet me dije se Ferman Lapaj nuk është më deputeti i parë i Shqipëria Bëhet në Berat. Ai nuk figuron më në listën e finalizuar në KQZ, ndërsa është Aleksander Bacaj ai që kryeson listën. 

Lëvizjet në koalicionin "Nisma Shqipëria Bëhet",

Ndërkohë, ditën e djeshme, kreu i koalicionit "Nisma Shqipëria Bëhet", përmes një postimi në rrjete sociale iu përgjigj kritikave për plotësimin me kandidatë fiktivë të pjesës së mbyllur të listave për zgjedhjet parlamentare të 11 majit. Lapaj shprehej se ky plotësim i pjesës së mbyllur së listës me garues fiktivë, ka si qëllim që kandidatët e vertetë të koalicionit të testohen drejtpërdrejtë në elektorat. 

Një tjetër lëvizje që ktheu sërish sytë te ky koalicion ishte ajo e deputetit Dashnor Sula. Pasi nuk u përfshi në listat e PD-së për qarkun e Elbasanit, Sula njoftoi se do kandidonte nën emrin e "Nisma Shqipëria Bëhet". Por dy ditë më parë, deputeti tërhoqi emrin nga lista e koalicionit të Endri Shabanit dhe Lapajt. Sipas informacioneve, vendimi u mor për shkak të mosarritjes së dakordësisë për mënyren si do të funksionojë bashkëpunimi në qarkun e Elbasanit. Emri i Sulës ishte në pozicionin e listës se hapur, por nuk ka marrë garanci se nëse merr votat e mjaftueshme për të dalë deputet, pesë kandidatët e listës së mbyllur do ta linin mandatin e deputetit. 

adriatik lapaj nisma shqiperia behet ferman lapaj

Sondazh

Poll