Sport

Haaland, 100 gola në Premier League!... Henry kishte nevojë edhe për 27 ndeshje

Ky moment historik me tre shifra është befasues mbi të gjitha për shpejtësinë me të cilën u arrit: norvegjezit iu deshën vetëm 94 ndeshje për ta arritur atë.

16 Mars 2025, 07:55 Nga DOSJA

Haaland, 100 gola në Premier League!... Henry kishte nevojë edhe

ANGLI - Në një Manchester City që është duke luftuar, për të thënë të paktën, ka një lojtar që nuk duket se e ka humbur zakonin për të bërë atë që bën më së miri.

Padyshim që po flasim për sulmuesin Erling Haaland, i cili me penalltinë e shënuar dje në barazimin 2-2 të skuadrës së Pep Guardiolës në shtëpi ndaj Brighton, arriti shifrën e 100 golave në Premierligë, si dhe 29 në total këtë sezon, 21 prej të cilëve në ligë.

Ky moment historik me tre shifra është befasues mbi të gjitha për shpejtësinë me të cilën u arrit: norvegjezit iu deshën vetëm 94 ndeshje për ta arritur atë. Siç mund ta shihni nga tabela interesante më poshtë e raportuar nga BBC, askush nuk e kishte arritur këtë më parë me kaq pak ndeshje në dispozicion. Gjëja më e afërt me të është ish-ikona e Newcastle, Alan Shearer, i cili shënoi 100 gola në 100 ndeshje.

Për të kuptuar rëndësinë e këtyre shifrave, mjafton të vërehet se një kampioni si Thierry Henry i duheshin edhe 27 ndeshje të tjera, pa i hequr padyshim asgjë francezit që bëri një sërë gjërash të tjera në fushë që të tjerët as nuk mund t'i kuptonin.

Ja lojtarët që kanë arritur më së shpejti 100 gola në Premier League:

Erling Haaland: 94 ndeshje

Alan Shearer: 100

Eric Cantona: 116

Mohamed Salah:116

Sergio Aguero: 118

Thierry Henry: 121

Jimmy Floyd Hasseblaink: 122

Les Ferdinand: 126

Andrew Cole: 127

Matthew Le Tissier: 128

Harry Kane: 128