Sport

Kontrata e re e Lamine Yamal… Barça po përpiqet të shmangë rastin e Leo Messit!

Përfaqësuesit e Yamal thuhet se kanë besim që një marrëveshje do të arrihet për qëndrimin e yllit spanjoll të paktën deri në vitin 2030.

16 Mars 2025, 07:30 Nga DOSJA

SPANJE - Te skuadra katalanase po i vjen radha edhe ylli i saj, Lamine Yamal, i cili së shpejti mbush 18-vjeç, që të rinovojë kontratën. Por Barcelona po tregohet e kujdesshme që të mos e përsërisin fiaskon që ndodhi me kontratën e Lionel Messit në të kaluarën.

Siç ka raportuar mediumi spanjol AS, Yamal ka nënshkruar kontratë me Barcelonën në vitin 2023 deri në verën e vitit 2026, por gjithashtu kanë instaluar një rinovim të dytë deri në vitin 2030, që do të aktivizohet automatikisht vitin e ardhshëm.

Sidoqoftë, pasi marrëveshja nuk është finalizuar ende, 17-vjeçari mund të mbetet pa kontratë pas 12 muajsh. Raporti shton se agjenti i tij Jorge Mendes është në bsiedime me Barcelonën për rinovimin e kontratës, por asnjë marrëveshje nuk është arritur ende mes palëve.

Që të dy anët, Barcelona dhe përfaqësuesit e Yamal thuhet se kanë besim që një marrëveshje do të arrihet për qëndrimin e yllit spanjoll të paktën deri në vitin 2030.

Por, blaugranasit janë në dijeni të rrezikut që të krijohet situata e njëjtë si me Messin në vitin 2021, kur ai u largua si lojtar i lirë në drejtim të Paris Saint-Germainit.

Borxhi i klubit ishte mbi 1 miliardë euro, pasi kishin ezkagjeruar me harxhime për vite e vite me radhë, pastaj pandemia COVID-19 dhe gjitha këto bën që ata të mos kenë mundësi ta përballojnë rinovimin e argjentinasit.

Në këtë mënyrë, ata nuk duan që situata me kontratën e Lamine Yamal të stërzgjatet. AS shton se Barcelona po përgatit një propozim, sipas të cilit Yamal do të bëhej lojtari më i paguar në klub. Gjithsesi, Yamal tani do të fokusohet që ta ndihmojë Barcelonën të sigurojë një fitore në udhëtim ndaj Atletico Madridit të dielën.

B.T (Dosja.al)