Politike

Iku nga koalicioni me Berishën, kreu i Partisë Aleanca e Maqedonasve i bashkohet Ramës! Hyn në listat e PS-së për zgjedhjet e 11 majit

Sterjovski kishte kërkuar që të ishte pjesë e listave të PD-së në Korçë në listën e mbyllur, por kjo nuk është pranuar nga Sali Berisha dhe si rrjedhojë ai ka kaluar në krahun tjetër, duke iu bashkuar Partisë Socialiste.

12 Mars 2025, 15:45 Nga B.Z
Iku nga koalicioni me Berishën, kreu i Partisë Aleanca e Maqedonasve i
Vasil Sterjovski

TIRANË - Partia "Aleanca e Maqedonasve për Integrimin Europian" me drejtues Vasil Sterjovski njoftoi këtë të mërkurë largimin nga koalicioni zgjedhor "Aleanca për Shqipërinë Madhështore".

Përmes një shkrese zyrtare dërguar kreut të KQZ-së, Ilirjan Celibashi Sterjovski kërkoi çregjistrim nga koalicioni i Berishës, sakaq burime bëjnë me dije se kjo parti do të garojë në listën e hapur të Partisë Socialiste në Qarkun e Korçës.

Mësohet se Sterjovski kishte kërkuar që të ishte pjesë e listave të PD-së në Korçë në listën e mbyllur, por kjo nuk është pranuar nga Sali Berisha dhe si rrjedhojë ai ka kaluar në krahun tjetër, duke iu bashkuar Partisë Socialiste.

Pak orë para afatit përfundimtar të dorëzimit të listave të kandidatëve në KQZ, ai ka arritur një marrëveshje me Partinë Socialiste, duke siguruar një vend në listën e Qarkut të Korçës.

vasil sterjovski ps-pd zgjedhje 11 maj

Sondazh

Poll

MË SHUMË