Aktualitet

Në kërkim ndërkombëtar nga GJKKO, ekstradohet nga SHBA ish-oficeri i policisë gjyqësore (EMRI)

Fatbardh Lala u arrestua në SHBA, pasi u shpall në kërkim ndërkombëtar nga Gjykata Kundër Korrupsionit dhe Krimit të Organizuar (GJKKO).

6 Mars 2025, 16:07 Nga r.ll
Në kërkim ndërkombëtar nga GJKKO, ekstradohet nga SHBA
ekstradimi

TIRANË- Një 56-vjeçar shqiptar, ish-oficer i policisë gjyqësore, i dyshuar për korrupsion dhe nxjerrje të sekretit shtetëror është ekstraduar nga SHBA.

Fatbardh Lala u arrestua në SHBA, pasi u shpall në kërkim ndërkombëtar nga Gjykata Kundër Korrupsionit dhe Krimit të Organizuar (GJKKO). Pas esktradimit, tashmë Lala do të përballet me akuzat dhe sistemin e drejtësisë në Shqipëri.

NJOFTIMI I PLOTË: 

Realizohet një tjetër operacion i suksesshëm ekstradimi, me partnerët ligjzbatues të SHBA-ve.

Departamenti i Policisë Kriminale në Policinë e Shtetit, në koordinim me Prokurorinë Speciale (SPAK) dhe Agjencinë Federale DSS/OCIU, prezente në Ambasadën e Shteteve të Bashkuara në Tiranë, ka arritur të lokalizojë dhe arrestojë në Shtetet e Bashkuara, një shtetas shqiptar, në kërkim ndërkombëtar, me urdhër arresti nga Gjykata Kundër Korrupsionit dhe Krimit të Organizuar (GJKKO), për t’u përballur me akuzat dhe sistemin e drejtësisë në Shqipëri.

Shtetasi shqiptar F. L., 56 vjeç, ish-oficer i Policisë Gjyqësore pranë Prokurorisë së Juridiksionit të Përgjithshëm Tiranë, ishte në kërkim në Shqipëri, për vepra penale në fushën e korrupsionit dhe nxjerrjes së sekretit shtetëror.

Shtetasi F. L. u ekstradua rreth orës 15:00 të ditës së sotme.

Ky operacion për lokalizimin, arrestimin dhe ekstradimin e këtij shtetasi ka ardhur si rezultat i përpjekjeve të përbashkëta disamujore, ndërmjet agjencive ligjzbatuese shqiptare dhe atyre amerikane.

Policia e Shtetit falënderon partnerët ndërkombëtarë të agjencive federale amerikane DSS dhe ICE-ERO, për të gjithë punën dhe përkushtimin maksimal në këtë operacion ekstradimi/deportimi.

fatbardh lala

Sondazh

Poll

MË SHUMË