Politike

Berisha mbërrin në SPAK/ Demokratët mblidhen në protestë para godinës, Noka: Nuk na pengojnë dot! Transparenca është detyrë e PD-së!

Berisha është pritur në ambjentet e SPAK nga mbështetësit e tij demokratë të cilët janë mbledhur në protestë.

3 Mars 2025, 10:09 Nga B.Z
Berisha mbërrin në SPAK/ Demokratët mblidhen në
Sali Berisha

TIRANË - Kryetari i Partisë Demokratike, Sali Berisha është paraqitur paraditen e kësaj të hëne në Prokurorinë e Posaçme (SPAK), në zbatim të masës së sigurisë "Detyrim Paraqitje" të caktuar nga GJKKO, lidhur me dosjen "Partizani".

Berisha është pritur në ambjentet e SPAK nga mbështetësit e tij demokratë të cilët janë mbledhur në protestë. Të pranishëm janë edhe përfaqësues të tjerë të PD-së, mes tyre edhe Flamur Noka. Në një deklaratë për media duke komentuar rastin e Berishës Noka shprehet se PD sipas tij është drejt fitores dhe asnjë formë nuk e ndalon dot.

Noka: Ju e keni vënë re që Berisha nxjerr vazhdimisht lidhjet kriminale të Taos dhe do vazhdojë të nxjerrë. Cdo lloj forme që përdorim nuk na pengon dot, jemi duke ecur drejt fitores. Transparenca me shqiptarët është detyra e PD-së. 

Berisha ka deklaruar më herët se vendimi për masën e sigurisë “detyrim paraqitje” nga Apeli i Posaçëm për çështjen “Partizani” është një krim kushtetues. Ai është shprehur se prokurorët e SPAK kanë kërkuar vendosjen e masave të sigurisë kundrejt tij me arsyetimin se ai po sulmon Prokurorinë e Posaçme dhe gjykatën.

Berisha u lirua më 27 nëntor 2024, pas rreth një viti në arrest shtëpiak, për shkak të akuzave për përfshirje në dosjen “Partizani.” Ish-kryeministri është marrë i pandehur për korrupsion pasiv, bashkë me dhëndrin e tij Jamarbër Malltezi, i cili vazhdon të jetë në arrest shtëpie.

sali berisha spak

Sondazh

Poll

MË SHUMË