Sport

Wayne Rooney për Amorim: "Naivitet, të thuash se synoj Premier League"...

Trajneri i Man.United pas ndeshjes ndaj Fulham: “E di që po humbasim ndeshje, por synimi ynë është të fitojmë Premier League”.

3 Mars 2025, 08:00 Nga DOSJA
Wayne Rooney për Amorim: "Naivitet, të thuash se synoj Premier

ANGLI - Manchester United del nga FA Cup, i mposhtur me penallti nga Fulham (3-4 pas gabimeve nga njëmbëdhjetë metra të Lindelof dhe Zirkzee, të ndaluar nga Leno).

Ish-ylli i “Djajve të Kuq” Wayne Rooney foli për BBC One për një tjetër natë zhgënjyese për skuadrën e Ruben Amorim: "Kjo ndeshje në të vërtetë përmbledh sezonin e tyre. Vërtet shumë zhgënjyese. Me kaq shumë skuadra kryesore tashmë jashtë garës, ishte një mundësi e shkëlqyer për Man.Utd."

Për të ardhmen e trajnerit Amorim, ai shprehet: "Unë mendoj se ai do të ketë kohë. Është shumë e vështirë të hysh në garë gjatë sezonit dhe të mos kesh një para-sezon për të përgatitur ekipin, por ai duhet të shikojë nga e ardhmja dhe të ecë përpara. 

Ai thotë se dëshiron të fitojë Premier League, por nuk e kuptoj si mund të konkurrojë? Ata duhet të ngjiten në tabelë, mendoj se kjo mund të ndodhë në 5 vitet e ardhshëm, edhe pse trajneri është egoist. Mendoj se është pak naive të thuash se ata po përpiqen të fitojnë Premier League, sepse nga ku janë tani, ata janë shumë larg këtij synimi”.

Fjalët e Amorimit: “Synimi është fitimi i Premierligës”

Trajneri i “Djajve të Kuq”, Ruben Amorim, komentoi mbrëmjen e hidhur të ekipit të tij për BBC. Për objektivat e së ardhmes, Amorim nuk dorëzohet, por dyfishohet: "Qëllimi është të fitojmë Premier League. 

E di që po humbasim ndeshje, por synimi është të fitojmë sërish Premier League. Nuk e di se sa do të zgjasë. Ne kemi një objektiv dhe vazhdojmë të ecim përpara, pavarësisht se çfarë ndodh. Është e pamundur të dihet, por filloni të kuptoni se lojtarët janë më të mirë dhe do ta kuptojmë kampionatin".

B.T (Dosja.al)

Sondazh

Poll

MË SHUMË