Politike

"E dimë shumë mirë ç'do të thotë të lindësh në një vend të poshtëruar "/ Anëtarësimi i Shqipërisë në BE, Rama: Momenti për të marr hak!

Rama u ndal edhe te anëtarësimi i Shqipërisë në BE, teksa u shpreh se ka ardhur koha që të bëhet një ëndërr realitet. Rama deklaroi se Shqipëria është poshtëruar për qindra vjet dhe tani sipas tij ka ardhur koha 'të marrim hak' duke u anëtarësuar në BE.

26 Shkurt 2025, 17:28 Nga B.Z
"E dimë shumë mirë ç'do të thotë
Edi Rama

TIRANË - Kryeministri Edi Rama po zhvillon pasditen e kësaj të mërkure një takim me asambletë socialiste të njësive Dajt, Zall-Herr, Zall-Bastar, Shëngjergj, Petrelë, Farkë, Baldushk, Krrabë dhe Bërzhitë, në prag të zgjedhjeve parlamentare. 

Gjatë fjalës së tij për të pranishmit, Rama u ndal edhe te anëtarësimi i Shqipërisë në BE, teksa u shpreh se ka ardhur koha që të bëhet një ëndërr realitet. Rama deklaroi se Shqipëria është poshtëruar për qindra vjet dhe tani sipas tij ka ardhur koha 'të marrim hak' duke u anëtarësuar në BE.

Rama: Kjo është mundësia historike që kemi sot dhe për këtë arsye ju të gjithë, ne të gjithë dhe çdokush që është në një pozicion drejtues dhe këtu kam parasysh kryetarët e organizatave duhet të ndjejë dhe të kuptojë se ky është një mision patriotik. Do votojmë për PS-në sepse vetëm nëse votojmë për PS-në masivisht, ne kemi mundësi që të bëjmë realitet të ditëve tona, atë që deri dje dukej sikur do ishte realitet pas vdekjes sonë sepse në fillim fare, kur dolën të gjithë në rrugë “E duam Shqipërinë si gjithë Europa, e duam Shqipërinë si gjithë Europa” të gjithë kujtuan se mjaftonte të rrëzohej regjimi i kaluar dhe u bëmë Europë. Rrugës pamë që tjetër gjë është të shkosh në Europë individualisht, tjetër gjë është të bëhesh Europë si shtet, tjetër gjë është të marrësh të drejtën që të udhëtosh ku të duash në Europë si shqiptarë e tjetër gjë është të jesh pjesë e Europës si europianë me të gjitha liritë e të drejtat, tjetër gjë është të shkosh në Europë e të të shohin nga lart-poshtë dhe tjetër gjë është të jesh në Europë e t’i shohësh drejtpërdrejtë në sy.

Janë dy gjëra krejt të ndryshme dhe ju e dini shumë mirë këtë. Këtu ka njerëz që kanë qenë në emigracion si puna ime, e kanë parë mirë se çfarë ka qenë historia e tyre si shqiptarë në emigracion dhe në rastin më të suksesshëm prapë shqiptarët shqiptarë. Këtu ka njerëz që kanë njerëzit e tyre në emigracion dhe e dinë shumë mirë këtë punë sesi është por mbi të gjitha, të gjithë ne së bashku në emigracion ose jo e dimë shumë mirë se ç’do të thotë të lindësh dhe të jetosh në një vend të poshtëruar me qindra vjet. Të poshtëruar nga të huajt, të poshtëruar dhe nga të vetët madje unë them më shumë nga të vetët sesa nga të huajt, por kjo është temë tjetër dhe ky është momenti për të marrë hak për të gjitha dhe për t’i dhënë me hakun atyre që sot, lavdi Zotit, janë akoma gjallë dhe mbi të gjitha atyre që janë fëmijë sot.

edi rama

Sondazh

Poll

MË SHUMË