Aktualitet

Hetimet e SPAK/ Rama tha se bëhet fjalë për më pak se 30 mln lekë, gazetarja rikthen denoncimin: Një projekt i AKKSHI-t lëvroi rreth 275 mln lekë për laboratorin fantazmë te UBT

Në postimin e Hoxhës, thuhet se zyrat e këtij laboratori fantazmë gjenden në Universitetin Bujqësor të Tiranës dhe praktikisht në këtë laborator nuk ka dalë asnjë lloj analize e produkteve ushqimore.

25 Shkurt 2025, 13:30 Nga r.ll
Hetimet e SPAK/ Rama tha se bëhet fjalë për më pak se 30 mln
ubt

TIRANË- Prokuroria e Posaçme ka lëshuar 24 masa sigurie për stafin e Universitetit Bujqësot të Tiranës, pasi dyshohet se kanë abuzuar me tenderat. Ende nuk ka një reagim zyrtar nga SPAK, por një reagim ka ardhur nga kryeministri Edi Rama, ku tha se masat u caktuan pa gjyq dhe se bëhet fjalë për disa procedura të disa viteve më parë në shumën totale më pak se 30 milionë lekë.

Por shuma e thënë nga kryeministri është gati 10-fish më e ulët se abuzimi që dyshohet se është kryer. Në një postim të 3 viteve më parë të gazetares Anila Hoxha, por që gazetarja e ka rikthyer sërish sot, pas lajmit të hetimit të SPAK, thuhet se një projekt i Agjencisë Kombëtare të Kërkimit Shkencor dhe Inovacionit (AKKSHI) që lëvroi rreth 275 milionë lekë (të vjetra) dhe garantoi se në Shqipëri për herë të pare do të hapej një qendër laboratorike e sigurisë ushqimore dhe shëndetit të kafshëve.

Në postimin e Hoxhës, thuhet se zyrat e këtij laboratori fantazmë gjenden në Universitetin Bujqësor të Tiranës dhe praktikisht në këtë laborator nuk ka dalë asnjë lloj analize e produkteve ushqimore. Kjo për shkak sepse sipas gazetares për sigurinë ushqimore nuk është blerë asnjë pajisje e duhur që të kryejë testet përkatëse.

POSTIMI I PLOTË: 

Pasazhe korrupsioni ....

Një projekt i AKKSHIT që lëvroi rreth 275 milionë lekë ( të vjetra) garantoi se në Shqipëri për herë të pare do të hapej një qendër laboratorike e sigurisë ushqimore dhe shendetit të kafsheve. Zyrat e këtij laboratori fantazme teorokisht gjenden në Universitetin Bujqësor të Tiranës. Praktikisht në këtë laborator nuk ka dale asnjë lloj analize e produkteve ushqimore.
Përse? Sepse për sigurinë ushqimore nuk është blerë de fakto asnjë pajisje e duhur që të kryejë testet përkatëse.
Cfarë është blerë ? Janë blerë kapa ( pajisje të tjera jo funksionale) që shërbejnë për dicka tjetër .

Me cfarë cmimesh?

-Një blender shtrydhës frutash me cmim 600 mijë lekë; 2 herë 600= 1 milionë e 200 mijë lekë (foto 1)-Dollap për ruajtjen e reagentëve , që janë pa aspirim , pra thjesht dollapë me cmim ;të dy 1 milionë e 728 mijë lekë ( të vjetra); (foto 2)

-Pajisje të modelit të vjetër dhe për to nuk ka kite në treg, pra të moshës 40 vite më parë; cmimi 8 milionë e 700 mijë lekë (foto 3)

-Pajisje e cila nuk ka kryer asnjë lloj analize për shkak se i ka reagentët shumë të shtrenjtë; është blerë 93 milionë e 600 mijë lekë edhe kjo jashtë funksionit dhe në pritje të një specialisti që ta rregullojë ( foto 4)

- mikropskopë me cmimin 3 milionë secili

-konxhelator me cmim 5 milionë e 760 mijë lekë ; ndryshe frigorifer me ngrirje ( i vetmi që punon)

- vorteksi , përzierës trëtësirash me cmimin 1 milionë e 500 mijë lekë secili

E të tjera...; të tilla si blerje gjysmake pa set, apo blerje të banjo marisë 1, 5 milionë lekë!!!

Pra ...

Ajo që u propozua që të ngrihej në kërkim dhe shërbim për të tretët dhe njëkohësisht për të shërbyer si qendër reference për diagnostikën laboratorike veterinare dhe sigurinë e produkteve me origjinë shtazore në Shqipëri, është vetëm imazhi i një qendre laboratorike në Universitetin Bujqësor të Tiranës që u vizatua në avull nga krerët e Univestitetit Bujqësor

Një rast i pastër i vjedhjes së fondeve të shtetit. Madje listë pagesat tregojnë se po paguhen njerëz fantazmë që skAnë punuar asnjë ditë në një laborator që nuk funksionon!

Ekziston vetëm një dhomë për Sigurinë Ushqimore e cila nuk përmbush standardet minimale për realizimin e analizave, që nga infrastruktura (sheshi, muret, tavolinat e punës,etj.), apo dhe ndarja e saj në dhoma të ndryshme për kryerjen e analizave ushqimore në varësi të produktit ushqimor që do testohet.

Natën e mirë 275 milionë lekë kudo që të jeni !

universiteti bujqesor i tiranes anila hoxha

Sondazh

Poll

MË SHUMË