Sport

Nuk humb kohë Rangers... gjen një Ferguson për të zëvendësuar trajnerin Clement!

Larg stolave prej tre vitesh, ish-kapiteni i Glasgow Rangers, Barry Ferguson, u bë këtë të hënë trajneri i ri i Gers. Skocezi zëvendëson Philippe Clement, i cili u shkarkua të dielën.

24 Shkurt 2025, 19:02 Nga DOSJA
Nuk humb kohë Rangers... gjen një Ferguson për të

SKOCI - Klubi skocez Glasgow Rangers njoftoi të hënën ardhjen në pankinën e tij të Barry Ferguson, i emëruar trajner i përkohshëm deri në fund të sezonit në vend të Philippe Clement, i shkarkuar të dielën.

Ferguson, 47, një ish-lojtar i Rangers, kthehet në klub në "një moment të vështirë", tha në një deklaratë shefi ekzekutiv i klubit të Glasgow, Patrick Stewart. Një shenjë e madhe besimi nga drejtuesit e Gers për ish-kapitenin e tyre, i cili kurrë nuk ka trajnuar në nivelin më të lartë (Blackpool, Clyde FC, Kelty Hearts dhe Alloa Athletic).

E dyta në kampionat, Rangers janë 13 pikë prapa rivalëve të tyre të mëdhenj të Glasgow, Celtic, pas 27 ndeshjeve. Në kupë, ata u eliminuan në fillim të shkurtit nga Queen's Park, një klub i kategorisë së dytë. Në Europa League, klubi është ende në garë dhe në muajin mars do të përballet me skuadrën turke Fenerbahçe në fazën e 16-të.

Philippe Clement u lirua nga detyrat e tij pas një tjetër humbjeje të shtunën, në shtëpi ndaj St. Mirren (2-0). Trajneri belg u emërua në tetor 2023 dhe fitoi Kupën e Ligës Skoceze dy muaj pas mbërritjes së tij.

B.T (Dosja.al)

Sondazh

Poll

Sport 24 Shkurt 2025, 18:50

ZYRTARE/ Rangers shkarkon trajnerin...

SKOCI - Rangers njoftoi mbrëmjen e së dielës se Philippe Clément nuk është më trajneri i ekipit të parë, ku ...

MË SHUMË