Politike

"Brenda mandatit të katërt do ngremë flamurin në BE", Rama: 11 maji do të jetë fundi i historisë së një kënete që ka marë peng opozitën shqiptare

Rama u shpreh se 11 maji është historik jo vetëm për emigrantët që do të mund të votojnë pa ardhur në Shqipëri por është vendimtar edhe për procesin e anëtarësimit në BE.

18 Shkurt 2025, 08:32 Nga r.ll
"Brenda mandatit të katërt do ngremë flamurin në
edi rama

TIRANË- Kryeministri Edi Rama në rubrikën e tij në rrjetet sociale "Sy m'sy" ka folur lidhur me zgjedhjet e 11 majit ku ju bëri thirrje diasporës të regjistrohen për të hedhur votën e tyre.

Rama u shpreh se 11 maji është historik jo vetëm për emigrantët që do të mund të votojnë pa ardhur në Shqipëri por është vendimtar edhe për procesin e anëtarësimit në BE.

Sipas tij, Shqipëria po ecën me hapa të shpejtë drejt BE, ndërsa nuk kanë munguar ironitë për opozitën ku tha se në vend "zien kazani me ujin e kënetës dhe bufin plak".

"Regjistrohuni. Kjo është jo vetëm historike për ju që jeni jashtë që do mund të votoni pa ardhur fizikisht në Shqipëri por 11 maji është vendimtar për Shqipërinë 2030. Është vendimtar për procesin e anëtarësimit. Në Konferencën e Mynihut kishte panel të posaçëm dhe komisionerja Marta Kos deklaroi që brenda 2027 të mbyllen negociatat. Kështu brenda mandatit të katërt do ngremë flamurin në Bashkimin Europian. Na kanë ardhur dy letra për të hapur dy grupkapituj të tjerë. Shqipëria po përmbush ato që duhen me hapa të shpejtë, ndërkohë këtu zien kazani me ujin e kënetës dhe bufin plak. 11 maji do të jetë fundi i historisë së një kënete që ka marë peng opozitën shqiptare.", tha Rama.

edi rama

Sondazh

Poll

MË SHUMË