Politike

"Të njihet çdo dokument biometrik i vendit ku jetojnë emigrantët", Kuvendi rrëzon amendamentin e PD-së

Kuvendi në seancën e sotme nuk e votoi kërkesën e PD-së që të votojnë edhe ata shqiptarë që nuk kanë asnjë dokument biometrik shqiptar, por tha se ishte një çështje që i takonte KQZ-së për ta zgjidhur.

17 Shkurt 2025, 19:56 Nga r.ll
"Të njihet çdo dokument biometrik i vendit ku jetojnë
kuvendi

TIRANË- Kuvendi ka rrëzuar amendamentin e paraqitur nga Partia Demokratike për njohjen e dokumenteve biometrike të vendit ku jetojnë emigrantët. 

Më herët gjatë seancës së sotme, kreu i grupit të PS, Niko Peleshi foli për draftin për ndryshimet në Kodin Zgjedhor dhe tha se në draftin që ka kaluar sot për votimin nuk përfshihet votimi i emigrantëve shqiptarë me karta identiteti të huaja. 

“Nuk është pjesë e këtij drafti propozimi lidhur me karta të huaja. S’kemi asgjë kundër kësaj pjesë të diasporës, që është rreth 7-8%. Këtu u ngritën pretendime të drejta nga kolegët e grupit parlamentar, lidhur me verifikueshmërinë e kartave të identitetit të një shtetit tjetër, databaset e një shteti tjetër që ne nuk i kemi. Për të sqaruar edhe shqiptarët, nuk është pjesë e paketës së sotme. Është një çështje që i takon KQZ, u bëj thirrje ta shikojnë me kujdes që mos të cenohet integriteti i një procesi, për herë të parë në histori po bëhet e mundur vota e diasporës”, tha Peleshi.

Grupi parlamentar i Partisë Demokratik përmes amendamentit kërkonte që vetëm për zgjedhjet parlamentare të 2025 të votohet edhe me pasaportë apo kartë identiteti biometrik të skaduar jo vetëm brenda vendit por edhe jashtë tij.

 

kuvendi

Sondazh

Poll

MË SHUMË