Sport

Amorim më keq se Ten Hag: "Nuk shqetësohem për veten. E urrej humbjen"

“Thjesht duhet të punosh gjatë javës dhe të përgatitesh për ndeshjen, duke u përpjekur ta fitojmë atë. Duhet të qëndrojmë të bashkuar për të përfunduar këtë sezon dhe më pas të fillojmë përsëri."

17 Shkurt 2025, 09:30 Nga DOSJA
Amorim më keq se Ten Hag: "Nuk shqetësohem për veten. E

ANGLI - Ruben Amorim, deri më tani, ka arritur të grumbullojë rezultate më të këqija se Erik ten Hag në pankinën e Manchester United. Të paktën në Premier League: trajneri holandez kishte fituar 11 pikë në 9 ndeshjet e para të ligës, portugezi ka marrë 14 në 14 ndeshje.

Humbja kundër Tottenhamit është një tjetër zhgënjim në një sezon për t'u harruar dhe që mund të shpëtohet vetëm nga Europa League: "Ata shënuan dhe ne jo, kjo ishte diferenca më e madhe. Kishim shanse për të shënuar, por duhet të shënojmë për të fituar ndeshje".

Çfarë duhet bërë për t'u rikuperuar: "Unë mendoj se gjëja më e mirë është të harrosh të kaluarën. Mos u fokuso në momente, mos u fokuso në kontekst. Thjesht duhet të punosh gjatë javës dhe të përgatitesh për ndeshjen, duke u përpjekur ta fitojmë atë. Duhet të qëndrojmë të bashkuar për të përfunduar këtë sezon dhe më pas të fillojmë përsëri."

Pozicioni në bilanc: "Unë nuk jam i shqetësuar. Unë i kuptoj tifozët tanë, çfarë mendojnë njerëzit dhe mediat. Unë dua ta përfundoj kampionatin me stil, nuk jam i shqetësuar për veten, jam i shqetësuar për klubin, ekipin, lojtarët. Unë e urrej humbjen; kjo ndjenjë është më e keqja. Unë nuk mendoj për pjesën tjetër. Unë thjesht dua të ndihmoj më shumë për lojtarët e mi dhe ekipi, për pozicionin në tabelën e Premier League”.

B.T (Dosja.al)

Sondazh

Poll

MË SHUMË