Politike

SPAK kërkoi informacion për gjendjen gjyqësore të Veliajt, reagon Drejtoria e Burgjeve: Rezulton i padënuar! Ndaj tij janë dhënë tre vendime pafajësie!

Drejtoria e Burgjeve deklaron se kryebashkiaku Veliaj rezulton i padënuar dhe ndaj tij janë dhënë tre vendime pafajësie.

14 Shkurt 2025, 17:31 Nga B.Z
SPAK kërkoi informacion për gjendjen gjyqësore të Veliajt,
Erion Veliaj

TIRANË - Drejtoria e Burgjeve ka reaguar në lidhje me kërkesën e Prokurorisë së Posaçme (SPAK) për gjendjen gjyqësore të Kryetarit të Bashkisë së Tiranës, Erion Veliaj.

Në një deklaratë për shtyp Drejtoria e Burgjeve deklaron se kryebashkiaku Veliaj rezulton i padënuar dhe ndaj tij janë dhënë tre vendime pafajësie. Drejtoria më tej sqaron se në rastet kur kërkohet vërtetimi me historik, përfshihen edhe të dhënat mbi vendimet e mëparshme, përfshirë pafajësitë apo vendimet e rehabilitimit, në përputhje me legjislacionin në fuqi.

NJOFTIM PËR SHTYP

Në përgjigje të interesimit të mediave, Drejtoria e Përgjithshme e Burgjeve bën me dije se, në përgjigje të kërkesës së Prokurorisë së Posaçme Kundër Korrupsionit dhe Krimit të Organizuar, me shkresën nr. 2215/prot., datë 12.02.2025, ka përcjellë vërtetimin e gjendjes gjyqësore për shtetasin E. V., i biri i L. dhe Sh., lindur më 17.12.1979.

Pas verifikimeve në Regjistrin e Gjendjes Gjyqësore, ai rezulton i padënuar dhe ndaj tij janë dhënë tre vendime pafajësie.

Sqarojmë se, në rastet kur kërkohet vërtetimi me historik, përfshihen edhe të dhënat mbi vendimet e mëparshme, përfshirë pafajësitë apo vendimet e rehabilitimit, në përputhje me legjislacionin në fuqi.

erion veliaj spak

Sondazh

Poll

MË SHUMË