Politike

Arrestimi i Ilir Metës/ Xhixho: U rrëmbye në mënyrë banditeske! Rastin do e çojmë në Komisionin për Torturën në KiE dhe Strasburg

Xhixho e ka cilësuar arrestimin e Metës si një akt i paligjshëm dhe i dhunshëm, ndërsa ka deklaruar se PL po përgatit një dosje për ta çuar çështjen në Komisionin për Torturën në Këshillin e Evropës dhe në Gjykatën e Strasburgut.

13 Shkurt 2025, 17:23 Nga B.Z
Arrestimi i Ilir Metës/ Xhixho: U rrëmbye në mënyrë
Erisa Xhixho

TIRANË - Zv/presidentja e Partisë së Lirisë, Erisa Xhixho, ka komentuar këtë të enjte arrestimin e Presidentit të kësaj force politike, Ilir Meta.

E ftuar në News24, Xhixho e ka cilësuar arrestimin e Metës si një akt i paligjshëm dhe i dhunshëm, ndërsa ka deklaruar se PL po përgatit një dosje për ta çuar çështjen në Komisionin për Torturën në Këshillin e Evropës dhe në Gjykatën e Strasburgut.

“Ish-Presidenti Ilir Meta u rrëmbye në mënyrë banditeske gjatë arrestimit. Për këtë, do të japin llogari në instancat ndërkombëtare. Jemi në kontakt me partnerët ndërkombëtarë për të sqaruar shkeljet dhe abuzimet e bëra në këtë proces,” tha ajo.

Ndërkohë edhe opozita ka ngritur akuza se Meta është arrestuar në mënyrë banditeske, duke e krahasuar me arrestimin e kryebashkiakut Veliaj, pak ditë më parë në Bashki. Opozita thotë se Veliaj u arrestuar sipas tyre 'me pekule', ndërsa Meta u rrëmbye në mënyrë të dhunshme.

erisa xhixho ilir meta

Sondazh

Poll