Politike

"Kontratën me LaCivita do ta publikoj!" Berisha: Rama e anuloi vizitën në Durrës pas denoncimit tim

I pyetur nëse do ta publikojë kontratën me LaCivita për udhëheqjen e fushatës, Berisha u përgjigj se do ta bënte këtë.

13 Shkurt 2025, 15:11 Nga M.B
"Kontratën me LaCivita do ta publikoj!" Berisha: Rama e anuloi
Sali Berisha

TIRANA- Kreu i Partisë Demokratike Sali Berisha deklaroi para gazetarëve në oborrin e Kuvendit se kryeministri Edi Rama e anuloi vizitën në paraburgimin e Durrësit te kryebashkiaku Erion Veliaj pas denoncimit që bëri ai. Berisha tha se paralajmëron Xhedet Troplinin që mos të mos kërcënojë Veliajn. I pyetur nëse do ta publikojë kontratën me LaCivita për udhëheqjen e fushatës, Berisha u përgjigj se do ta bënte këtë.

Pjesë nga fjala e Berishës:

Por nuk është vetëm kjo të dashur qytetarë. Janë një seri e pafundme komunikimesh të Ramës me botën e krimit, zotime dhe angazhime të Edi Ramës për shpërblime me leje ndërtimi kundrejt shumave përrallore të lara në kulla dhe aktivizimeve në zgjedhje. Pra në këtë aspekt bota e krimit po zien. U njoftua se po shkonte në Durrës, e denoncova sepse dyshova shumë se po shkonte ti çonte Pojën Erion Veliajt. Dhe unë i jap paralajmërimin më të fortë Xhevdet Troplinit; të mos përzihet, të mos kërcënojë, se do të ketë pasojat më të rënda.

Se nuk e çoi kot. E anuloi vizitën, sigurisht se e denoncova në media, dhe e dinte se do të shkonit dhe ju pas, e skishte si të takohej me të. Tani të dashur qytetare dhe qytetarë! Halle, halle kjo dynja, halli, hallit nuk i ngjan. Edi Ramës i janë mbytur xhemitë. Sot në sytë e botës ai është një kukull mjerane e Xhorxh Sorosit. Ai siç e patë ju, ka fshirë të gjitha fotografitë që ka pasur në Instagram me Alexis Soros, dhe me Yuri Kim.

Pyetje: Kontratë me LaCivita do ta publikoni?

Sali Berisha: Absolutisht po, dhe po të garantoj se e tëra do të kalojë, do të jetë para me origjinë të kristaltë me transfertë bankare siç kërkon ligji dhe rregulli, pa asnjë dyshim. Ju falënderoj.

sali berisha

Sondazh

Poll

MË SHUMË