Politike

Zgjedhjet në Kosovë/ Haradinaj sërish thirrje qytetarëve për dalje në votime

Qytetarët e Republikës së Kosovës sot ushtrojnë të drejtën e votës, në zgjedhjet e para të rregullta parlamentare që prej shpalljes së pavarësisë më 2008.

9 Shkurt 2025, 13:19 Nga M.B
Zgjedhjet në Kosovë/ Haradinaj sërish thirrje qytetarëve
Foto ilustruese

KOSOVA- Kryetari i Aleancës për Ardhmërinë e Kosovës (AAK), Ramush Haradinaj, njëherësh kandidat për kryeministër në Kosovë, u ka bërë thirrje sërish të gjithë qytetarëve që të shfrytëzojnë të drejtën e votës.

“Kjo është dita juaj, vendimi juaj për Kosovën, për përfaqësuesit tuaj në parlament, por edhe për ata që do të jenë qeverinë e ardhshme. Me votën e juaj, ju e drejtoni Kosovën”, ka thënë Haradinaj në një konferencë të shkurtër për media.

Qytetarët e Republikës së Kosovës sot ushtrojnë të drejtën e votës, në zgjedhjet e para të rregullta parlamentare që prej shpalljes së pavarësisë më 2008.

Numri i qytetarëve me të drejtë vote në vendvotime, sipas të dhënave të Komisionit Qendror të Zgjedhjeve, është 1 milion e 970 mijë e 944 votues.

kosova

Sondazh

Poll