Politike

Përmes FOTOVE/ Nën monitorimin e kamerave dhe BE, qytetarët e Kosovës hedhin sot votën për zgjedhjet e para të rregullta që nga shpallja e pavarësisë

Katër kandidatët për kryeministër, të shoqëruar nga familjarët e tyre kanë hedhur votën e tyre në qendrat e votimit ku janë të regjistruar. 

9 Shkurt 2025, 11:19 Nga r.ll
Përmes FOTOVE/ Nën monitorimin e kamerave dhe BE, qytetarët e
pamje nga votimi

PRISHTINË- Qytetarët e Kosovës me të drejtë vote sot u janë drejtuar kutive të votimit që nga mëngjesi kur në orën 07:00 u hapën qendrat e votimit për zgjedhjet parlamentare. Këto janë zgjedhjet e para të rregullta që nga shpallja e pavarësisë në vitin 2008. Katër kandidatët për kryeministër, të shoqëruar nga familjarët e tyre kanë hedhur votën e tyre në qendrat e votimit ku janë të regjistruar. 

Për zgjedhjet e sotme parlamentare, të drejtë vote brenda dhe jashtë Kosovës kanë mbi 2 milionë votues. Në garën për përbërjen e re parlamentare janë 28 subjekte politike dhe një kandidat i pavarur. Qytetarët mund të zgjedhin një parti dhe deri në dhjetë kandidatë për deputetë. Nga këto votime do të zgjidhet përbërja e re e Kuvendit me 120 ulëse dhe deputetët më pas zgjedhin Qeverinë e re.

Katër janë kandidatët për Kryeministër të Kosovës: Albin Kurti, kryeministri aktual i Kosovës dhe kryetar i Lëvizjes Vetëvendosje; Bedri Hamza, kandidat për Kryeministër nga ana e PDK-së; Lumir Abdixhiku, është kandidati i LDK-së për Kryeministër dhe Ramush Haradinaj, kandidat për Kryeministër nga radhët e koalicionit AAK-NISMA. Qeveria aktuale në Kosovë udhëhiqet nga Albin Kurti, kreu i Lëvizjes Vetëvendosje. Këto janë zgjedhjet e para të rregullta që Kosova mban që nga shpallja e pavarësisë më 2008. Deri më tani, në vend janë mbajtur një sërë zgjedhjesh të parakohshme.

zgjedhjet ne kosove 9 shkurt 2025

Sondazh

Poll

MË SHUMË