Sport

FOTO/ Keita Baldé i kërkon falje ish-bashkëshortes: "Ti je gruaja e jetës sime, Icardi dhe Wanda Nara janë të pashpirt"

Simona Guatieri “sulmon” argjentinasen: “Ajo flet vetë dhe tregon gruan se kush është”

9 Shkurt 2025, 10:00 Nga DOSJA

FOTO/ Keita Baldé i kërkon falje ish-bashkëshortes: "Ti je

ITALI - Keita Baldé ka vendosur të dalë dhe t'i kërkojë publikisht falje ish-bashkëshortes së tij Simona Guatieri për tradhtinë me Wanda Narën.

Sulmuesi senegalez, i cili aktualisht po stërvitet me Monzën dhe mund të nënshkruhet si lojtar i lirë, bëri “mea culpa” në një video të transmetuar nga Verissimo, në Canale 5, ndërsa Gautieri, nëna e dy fëmijëve të tij, ishte e ftuar në emision.

"Tradhtia është një fjalë që dhemb, - fjalët e ish-lojtarit të Lazios dhe Interit. - Ishte gabimi më i madh i jetës sime, me gruan e jetës sime. Ajo meriton gjithë dashurinë dhe respektin në botë, dua të marr përgjegjësinë e plotë, të dal nga heshtja, sepse ky problem po prek familjen time ata nuk kanë faj. Por ata e dinë që në këtë histori, nga ana tjetër ka njerëz të tjerë, fëmijë... Ndjesa është e vogël për gabimet që kam bërë, Simona është e vetmja grua që do të dua gjithë jetën”.

Simona Guatieri, duke folur me gazetaren Silvia Toffanin, kishte edhe disa fjalë helmuese për ish-çiftin argjentinas: "Çfarë do të doja t'i thosha Wandës? Mendoj se zonja flet vetë, lajmet që dalin e përcjellin në mënyrë të përkryer idenë e gruas që është. Unë i them Icardit të fokusohet në futboll dhe të mos mendojë më për thashethemet e tyre”.

B.T (Dosja.al)